نائب مزن وزیر محمد اسحاق ڈار ءَ ملک ءِ پٹرولیم ءِ بنزیا  آنی  چار ءُ تپاسی ءِ دیوان ءِ سروکی

اسلام آباد۔26مارچ  (اے پی پی): نائب مزن وزیر ءُ درئی کارانی وزیر ایس محمد اسحاق ڈار ءَ پنچ شمبے ءِ روچ ءَ دیوان ءِ سروکی ءَ میاں اوستمانی تک ءَ برجاھیں جاور ھال آنی رد ءَ ملک ءِ پٹرولیم چیز آنی بنزیا ءُ تیاری آنی سر ءَ چار ءُ تپاسی کت۔ نائب مزن وزیر کارگس ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ را سرپدی دیگ بوتگ کہ اے وھد ءَ ملک ءَ پٹرولیم چیز آنی مزنیں ذخیرہ است انت، کہ اپریل ءِ ماہ ءُ ایشی ءَ چہ پد ءِ لوٹ آناں پیلو کنگ ءِ واستہ کافی انت۔ آئی ءَ استیں سپلائی ءِ جاور ھال آنی سر ءَ دل یکیمی ءِ درشانی کت ءُ سیادی داروکیں وزارت ءُ ھمگرنچیں ادارگ آناں ھدایت کت کہ آ رابطہ ءَ را برجم بہ دار اَنت، بے رکاوٹیں سپلائی ءَ را دل یکیمی بہ کن اَنت ءُ آیوکیں ھپتگ آنی تہ ءَ جوانیں سپلائی ءَ را دل یکیمی کنگ ءِ واستہ درستیں المی گامگیج بہ زور اَنت۔ گند ءُ نند ءَ وفاقی وزیر برائے پٹرولیم، مزن وزیر ءِ ھاسیں کمکار طارق باجوہ، وفاقی وزیر اقتصادی امور، سیادی داروکیں وفاقی سیکرٹریٹ، صوبائی سیکرٹری ءُ ایندگر مزنیں کارندہ آں شریک کت۔