ملائیشیا ءِ مزن وزیر شہباز شریف ءَ ملائیشیا ءِ ھمکار  داتو سری انور ابراہیم ءَ گوں گپ ءُ تران کتگ، میاں اوستمانی تک ءَ کش ءُ چیل ءِ کم کنگ ءِ پاکستان ءِ کوشست آنی حمایت کتگ

اسلام آباد۔26مارچ  (اے پی پی): ملائیشیا ءِ مزن وزیر داتو سری انور ابراہیم ءَ میاں اوستمانی تک ءَ برجاھیں کش ءُ چیل آناں کم کنگ ءِ واستہ پاکستان ءِ امن کوشست آنی حمایت ءِ درشانی کتگ وھدیکہ مزن وزیر محمد شہباز شریف ءَ ملائیشیا ءِ مزن وزیر ءَ را نوکیں سفارتی کوشست آنی بابت ءَ سرپدی داتگ۔ امریکہ ءُ ایران ءَ را مذاکرات ءِ میز ءَ دیم داتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ را ملائیشیا ءِ مزن وزیر داتو سری انور ابراہیم ءِ نیمگ ءَ چہ ٹیلی فون اتکگ۔ گپ ءُ تران ءِ ساھت ءَ دوئیں راہشوناں یک دومی ءَ را ائید الفطر ءِ روچ مبارک بات داتگ ءُ امت ءِ تپاکی ءُ دیمروئی ءِ واستہ دعا کتگ۔ مزن وزیر ءَ میاں اوستمانی تک ءَ برجاھیں جیڈھ آناں کم کنگ ءِ واستہ پاکستان ءِ سروکی ءَ ثالثی ءِ کوشست آناں کمک ءِ مھکمیں کلوہ ءِ سر ءَ ملائیشیا ءِ مزن وزیر ءَ را شگر ءُ منت درشان کت۔ مزن وزیر شہباز شریف ءَ ملائیشیا ءِ مزن وزیر ءَ را امریکہ ءُ ایران ءَ را گپ ءُ تران ءِ میز ءِ سر ءَ آرگ ءِ واستہ براتیں خلیج ملک ءُ ایران ءِ سروک آنی گوما گپ ءُ تران ءَ ھوار نوکیں سفارتی کوشست آنی بابت ءَ سرپد کت۔ مزن وزیر شہباز شریف ءِ جوانیں سروکی ءِ توسیپ کنان ءَ ملائیشیا ءِ مزن وزیر ءَ آئی ءَ را جتا جتائیں دگنیا ءِ سروک آنی گوما بوتگیں گپ ءُ تران ءِ بابت ءَ ھم سرپدی دات کہ ایشی ءِ تہ ءَ آئی ءَ میاں اوستمانی جنگ ءَ را زوت ھلاسی ءِ ضلورت ءِ سر ءَ زور پر دات۔ آئی ءَ پاکستان ءِ امن ءِ کوشست آنی تہ ءَ ملائیشیا ءِ سرجمیں کمک ءِ پیشکش کتگ۔ مزن وزیر شہباز شریف ءَ ملائیشیا ءِ مزن وزیر ءِ منت گپت ءُ دل یکیمی دات کہ پاکستان دمگ ءِ استیں جاور ھال آناں ھلاس کنگ ءِ واستہ دلجمی ءُ راستیں کوشست ءَ را برجاہ دار ایت۔ دوئیں رہشوناں رابطہ ءِ برجاہ دارگ ءِ سرا تپاک کت۔