لوگ ءِ مالک بوھگ ھمک شہری  ءِ حق انت، آسانیں شرتانی سرا وام دیگ حکومت ءِ اولی ترجی انت، ہاؤسنگ سیکٹر ءِ تہا سرمایہ کاری ءِ راہ ءَ رکاوٹ دور کنگ بنت، مزن وزیر شہباز شریف

اسلام آباد۔26مارچ  (اے پی پی): مزن وزیر محمد شہباز شریف ءَ گوشت کہ لوگ ءِ واھند ھر شہری  ءِ ھک اِنت، ایشی ءِ واستہ آسانیں شرت آنی سر ءَ وام دیگ حکومت ءِ اولی ترجی اِنت، ھاوسنگ ءِ شوبگ ءَ سرمایہ کاری ءِ مزنیں گنجائش است اِنت، سرمایہ کاری ءِ راہ ءَ رکاوٹ آنی سر ءَ سرجمیں ترجیح دیگ بیت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی رہائشی شوبگ ءَ سرمایہ کاری ءَ را دیم ءَ برگ ، کمیں گرانیں گس آنی پجاری ءُ شوبگ ءَ روزگار ءِ تہ ءَ گیشی ءِ گامگیج آنی ھوالگ ءَ چار ءُ تپاسی دیوان ءِ سروکی ءَ کنان ءَ کت۔ گند ءُ نند ءَ وفاقی وزیر اعظم نذیر تارڑ، احد خان چیمہ، محمد اورنگزیب، میاں ریاض حسین پیرزادہ، وزیرِ مملکت بلال اظہر  کیانی، اٹارنی جنرل منصور اعوان، گورنر سٹیٹ بینک جمیل احمد، گلگت بلتستان، آزاد کشمیر  ءُ چاریں صوبگ آنی چیف سیکرٹری آں بھر  زرتگ ات ۔ مزن وزیر ءَ گوشت کہ ملک ءِ رہائشی شوبگ ءَ سرمایہ کاری ءِ مزنیں گنجائش است انت، ایشی ءَ چہ سرجمی ءَ کارمرد کنگ ءِ واستہ سرمایہ کاری ءِ دیم ءَ رکاوٹ آناں دور کنگ بیت۔ مزن وزیر ءَ گوشت کہ شوبگ ءَ درملکی سرمایہ کار ءُ درملکی پاکستانی آنی نیمگ ءَ سرمایہ کاری ءِ رکھینگ دل یکیمی کنگ بیت۔ تعمیراتی شوبگ ءَ سرمایہ کاری ءَ را دیمروئی دیگ ءَ چہ نا ایوک ءَ معیشت ءَ را دیمروئی رسیت بلکینگ ءَ لاکھوں روزگار ءِ موہ پیداک بنت۔ مزن وزیر ءَ سیادی داروکیں واکدار آناں پنت ءُ شون  کت کہ آ تعمیراتی ءُ ہاؤسنگ ءِ شوبگ ءَ سرمایہ کاری ءَ را گیش دیمروئی دیگ ءِ واستہ کار لائکیں حکمت عملی جوڑ بہ کن اَنت ءُ ایشی ءِ سر ءَ عمل کنگ ءَ را دل یکیمی بہ کن اَنت ءُ گوشت کہ صوبائی حکومت ءُ آزات کشمیر ءُ گلگت بلتستان ءَ ھوار سرکاری ءُ نجی شوبگ ءِ سرجمیں اسٹیک ہولڈر آناں 2019 ءِ حکمت عملی ءِ جوڑ کنگ ءَ ھوار کنگ بہ بیت۔ دیوان ءَ جوڑیشت ءُ ہاؤسنگ ءِ شوبگ ءِ بابت ءَ ٹاسک فورس ءُ ہمگرنچیں ورکنگ گروپ آنی تجویز آنی بابت ءَ سرپدی دیگ بوت ءُ منظور بوتگیں گامگیج آنی سر ءَ عمل درآمد ءِ پیشرفت ءِ بابت ءَ ھم سرجمی ءَ سرپد کنگ بوت۔ دیوان ءَ گوشگ بوت کہ مزن وزیر ءِ پنت ءُ شون  ءِ رد ءَ جوڑیشت ءُ ہاؤسنگ ءِ شوبگ ءَ درملکی سرمایہ کار ءُ اوورسیز پاکستانی آں را وتی نیمگ ءَ رازیگ کنگ ءِ واستہ ھاسیں گامگیج کنگ بوھگ ءَ انت۔ گامگیج آنی تہ ءَ رہائشی جوڑیشت ءِ منصوبگ آنی تہ ءَ گیشی بیت، اقتصادی چست ءُ ایر آناں دیمروئی رس ایت ءُ روزگار ءِ موہ پیداک بنت۔ اے شعبہ ءِ تہا قانونی اصلاحات ءِ سرا کار تیزی ءَ گوں دیمروئی کنگ ءَ انت۔ قانون سازی ءِ گڈی پڑ ءَ انت۔ کم ھرچیں رہائشی منصوبگ آنی واستہ کم ھرچیں وام ءِ نظام ءِ سرا عمل کنگ بوتگ۔ آیوکیں بھر ءَ اے درگت ءَ بینک آناں ٹارگٹ دیگ بیت۔ ملک ءِ تہ ءَ سرجمیں رہن ءِ مالیات ءِ ماحولیاتی نظام ءِ تیاری ءِ سر ءَ کار تیزی ءَ گوں دیم ءَ روگ ءَ اِنت۔ رہائشی تعمیراتی شعبہ ءِ ھاتر ءَ ڈویلپر ءِ سروکی ءَ مالی کمک ءِ یک جامع نظام ءِ ہم جوڑ کنگ بوھگ ءَ انت۔ مزن وزیر ءَ پنت ءُ شون  کت کہ رہائشی تعمیراتی شوبگ ءِ دیمروئی ءِ ھوالگ ءَ جامع گامگیج زوت گڈی رنگ ءَ دیگ بہ بنت ءُ آہانی سر ءَ عمل کنگ ءَ را دل یکیمی کنگ بہ بیت۔