ایران ءِ سفیر ءَ وفاقی وزیر رابطہ کاری ءَ گوں گند ءُ نند کت، دو نیمگی تجارت ءِ جیڈھ آنی سر ءَ گپ ءُ تران

اسلام آباد۔ 26 مارچ (اے پی پی): وفاقی وزیر مواصلات عبدالعلیم خان ءَ گوں پاکستان ءَ ایران ءِ سفیر ڈاکٹر رضا امیری مقدم ءَ گند ءُ نند کت، ایشی ءِ تہ ءَ خطہ ءِ استیں جاور ھال، دو نیمگی تجارتی جیڈھ ءُ وت مہ وتی کمک ءِ گیش دیمروئی ءِ سر ءَ گپ ءُ تران کنگ بوت۔ گند ءُ نند ءِ ساھت ءَ وفاقی وزیر عبدالعلیم خان ءَ گوستگیں روچاں جانی ءُ مال ءِ تاوان ءِ سر ءَ ایران ءِ سروک ءُ الس ءَ را سک باز دلپدردی ءُ اپسوز ءِ درشانی کت۔ آئی ءَ گوشت کہ پاکستانی راج ایران ءِ روح ءُ ایرانی الس ءَ را شرپ مند انت ۔ عبدالعلیم خان ءَ گوشت کہ گوستگیں 26 روچ آنی تہ ءَ ایران ءَ دلیری ءُ دلبر ءِ نوکیں مثال پیش کتگ ءُ سرجمیں مسلمان امت ءِ دل ایران ءِ گوما ٹپ ٹپ ءَ انت۔ وفاقی وزیر ءَ ایران ءَ را آیوکیں باندات ءِ گہتری ءِ واستہ نیکیں واھشت آنی کلوہ ھم سر کت۔ ایران ءِ سفیر ڈاکٹر رضا امیری مقدم  ءَ وفاقی وزیر ءِ منت گپت کہ آئی ءَ ترندیں دلپدردی کلوہ دیم داتگ۔ آئی ءَ پاکستان ءُ مزن مزنیں پاکستانی راج ءِ شگر ءُ منت گپت ءُ وتی یقین ءِ درشان کت کہ اے رندی ھم ایران سوبمند بیت، پیسر ءِ وڑ ءَ۔ گند ءُ نند ءَ پاکستان ءُ ایران ءِ نیام ءَ جتاجتائیں بیپاری ءُ دو نیمگی معاملہانی سرا ہم گپ ءُ تران بوتگ ۔ دوئیں راہشون آں پاک ایران ءِ سیادی ءَ را گیش مھکم کنگ ءُ جتا جتائیں شوبگاں وت مہ وتی کمک ءِ سر ءَ تپاک کتگ ۔