چینی سفیر ءَ مزن وزیر شہباز شریف ءَ گوں گند ءُ نند کت، سی پیک 2.0 ءَ را دیم ءَ برگ ءِ جزم ءِ درشان

اسلام آباد۔26مارچ  (اے پی پی): مزن وزیر محمد شہباز شریف ءَ کشت ءُ کشاری، صنعتی کمک ءُ بنیاتی ڈھانچگ ءِ اولیت ءِ منصوبگ آنی سر ءَ دلگوشی دیان ءَ سی پیک ٹو۔0 ءَ را دیم ءَ برگ ءِ وتی جزم ءِ یک رندے پدر کتگ ءُ چین ءِ گوما نزیکیں رابطہ ءِ برجاہ دارگ ءِ سر ءَ زور پر داتگ۔ پنچ شمبے ءِ روچ ءَ مزن وزیر گس ءَ چینی سفیر جیانگ زیڈونگ  ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ نائب مزن وزیر ءُ درئی کارانی وزیر سینیٹر محمد اسحاق ڈار، مزن وزیر ءِ ھاسیں کمکار سید طارق فاطمی ءُ دری کارانی سیکرٹری ھم ساڑی بوتگ۔ مزن وزیر ءَ ’’دو سیشن‘‘ ءِ کامیاتیں برجم دارگ ءِ پد ءَ چینی سروکی ءَ را مبارک بات دات۔ مزن وزیر ءَ پاکستان ءِ روچ ءِ درگت ءَ گرمیں مبارکی ءِ پد ءَ صدر شی جن پنگ، مزن وزیر لی کی کیانگ ءُ دری کارانی وزیر وانگ یی ءِ شگر ءُ منت گپت۔ چین ءِ مھکمیں اقتصادی کمک ءِ ساڑات کنان ءَ مزن وزیر ءَ کشت ءُ کشاری، صنعتی کمک ءُ بنیاتی ڈھانچگ ءِ تہ ءَ اولی ترجی ءِ منصوبگ آنی سر ءَ دلگوشی ءِ گوما سی پیک 2.0 ءَ را دیم ءَ برگ ءِ پاکستان ءِ جزم ءِ یک رندے پدا گوشت۔ چینی سفیر جیانگ ءَ پاکستان ءِ اقتصادی لچک ءُ اصلاحات ءِ کوشست آنی توسیپ کت ءُ تجارت ءُ سرمایہ کاری ءِ تہ ءَ چین ءِ کمک ءِ یک رندے پدا گوشت۔ دوئیں نیمگ ءَ برجاہ بوھوکیں گند ءُ نند ءِ سر ءَ دل یکیمی ءِ درشان کنگ بوتگ ءُ سفارتی سیادی ءِ 75 سالی روچ ءِ موہ ءَ مزن تک ءِ رابطہ آناں دیمروئی دیگ ءِ وعدہ کتگ۔ مزن وزیر ءَ دمگی جاور ھال آنی سر ءَ تران کت ءُ کش ءُ چیل آنی تہ ءَ کمی ءُ دمگی برجائی ءَ را دیمروئی دیگ ءِ واستہ پاکستان ءِ جوڑیشت ءِ کرد ءِ سر ءَ زور پر دات۔ مزن وزیر ءَ وت مہ وتی مفاد ءِ جیڈھ آنی سر ءَ نزیکیں ھمگرنچی ءَ را برجاہ دارگ ءِ لوٹ کت، ءُ پاکستان ءُ چین ءِ ھر موسم ءِ اسٹریٹجک کوآپریٹو پارٹنر شپ ءَ را گیش مھکم کنگ ءِ جزم ءِ سر ءَ پدا زور پر دات۔