بلاول بھٹو زرداری ءِ سروکی ءَ پاکستان پیپلز پارٹی ءِ ڈل ءَ مزن وزیر شہباز شریف ءَ گوں گند ءُ نند

اسلام آباد۔25مارچ  (اے پی پی): چیئرمین بلاول بھٹو زرداری ءِ سروکی ءَ پاکستان پیپلز پارٹی ءِ ڈل ءَ مزن وزیر محمد شہباز شریف ءَ گوں گند ءُ نند کتگ، ایشی ءِ تہ ءَ مزن وزیر ءَ خلیج ءِ جاور ھال آنی درگت ءَ جھان ءِ امن ءِ واستہ پاکستان ءِ سفارتی کوشست آنی بابت ءَ سرپد کتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءُ بلاول بھٹو زرداری ءِ نیام ءَ گند ءُ نند ءَ وت مہ وتی سیاسی ءُ ملکی جیڈھ آنی سر ءَ ھم ھیال ریچی کنگ بوت۔ بلاول بھٹو زرداری ءَ جنگ ءِ تناظر ءَ پاکستان ءِ دیم ءَ اتکگیں ممکنہ جیڈھ آناں گر ءُ چیل بوھگ ءِ وفاقی حکومت ءِ پالیسی ءِ توسیپ کت۔ مزن وزیر ءُ بلاول بھٹو زرداری ءَ صوبہ سندھ ءَ وفاقی حکومت ءِ نیمگ ءَ کنگ بوھوکیں دیمروئی منصوبگ آنی سر ءَ ھم چار ءُ تپاسی کت۔ بلاول بھٹو زرداری ءَ مشکلیں جاور آنی تہ ءَ وفاقی حکومت ءِ پالیشی ءِ واستہ راستیں راہ ءِ ٹھینگ ءِ واستہ مزن وزیر ءِ حکمت عملی ءُ گامگیج آناں توسیپ کت۔ گند ءُ نند ءَ نائب مزن وزیر ءُ  درئی کارانی  وزیر  محمد اسحاق  ڈار، سر وزیر   سندھ مراد علی شاہ،  وفاقی وزیر برائے اقتصادی کار  احد خان چیمہ، وفاقی وزیر خزانہ محمد اورنگزیب، وفاقی وزیر قانون اعظم نذیر تارڑ،  مزن وزیر ءِ  مشیر رانا ثناء اللہ  ءُ  سینیٹر سلیم مانڈوی والا  ءَ بہر زرتگ۔