وفاقی وزیر رانا تنویر حسین ءَ دیوان ءِ سروکی ءَ کنان ءَ ربیع ءُ خریف ءِ واستہ کھد ءِ دستیابی ءِ سر ءَ وشھالی ءِ درشان

اسلام آباد۔25مارچ  (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ کھاد ءِ چار ءُ تپاسی کمیٹی ءِ مزن تک ءِ دیوان ءِ سروکی کت ایشی ءِ تہ ءَ ربیع 2025-26 ءِ واستہ یوریا ءُ ڈی اے پی کھاد ءِ لوٹ ءُ گزر ءِ جاور ھال ءُ خریف 2026 ءِ پیش گوئی آنی سر ءَ چار ءُ تپاسی کنگ بوت۔ دیوان ءَ صوبہ آنی نمائندگ، کھد جوڑ کنوکیں کمپنی آنی تہ ءَ فوجی کھد کمپنی، انگرو کارپوریشن، فاطمہ کھد کمپنی، ایف ایم پاک لمیٹڈ ءُ نیشنل کھد ءِ دیمروئی مرکز ءِ کارندہ ءُ ایندگر سٹیک ہولڈر آناں بھر زوری کتگ۔ وفاقی وزیر ءَ کھد ءِ بے رکاوٹیں سپلائی ءَ را دل یکیمی کنگ ءِ حکومت ءِ جزم ءِ سر ءَ زور پر دات ءُ اے گپ ءِ سر ءَ زور پر دات کہ زراعت ءِ تہ ءَ ملک ءِ سرجمیں ملکی پیداوار ءِ تہ ءَ 19-20درسد ءِ کساس ءَ کمک کنت ءُ 37-38درسد کارکن آناں روزگار ءِ وسیلگ ءَ راجی معیشت ءِ تہ ءَ کلیدی کرد پیلو کنت۔ آئی ءَ گوشت کہ حکومت کشت ءُ کشاری ءِ نپ آنی رکھینگ ءُ مارکیٹ ءَ برجائی برجائی ءِ واستہ ملکی ءُ جھان ءِ جاور آنی سر ءَ نزیکی ءَ گوں چار ءُ بچار کنگ ءَ انت۔ گند ءُ نند ءَ اے گپ ءِ سر ءَ دل یکیمی ءِ درشان کنگ بوت کہ پاکستان ءِ کھاد ءِ شوبگ ءَ لوٹ ءُ گزر ءِ نیام ءَ مھکمیں توازن برجائی کنگ بوھگ ءَ اِنت۔ ربیع 2025-26 ءِ وھد ءَ یوریا ءِ دستیابی چہ لوٹ ءَ گیش بوتگ کہ ایشی ءَ چہ گندم ءُ دگہ فصل آنی کشت ءُ کشار ءِ کار بے رکاوٹ ءَ برجاہ بوتگ وھدے کہ ڈی اے پی ءِ دستیابی ھم کشت ءُ کشاری ءِ لوٹ آناں پیلو کنگ ءِ واستہ کافی بوتگ۔ استاناں کشت ءُ کشاری کارانی تہ ءَ گہتری ءِ نیمگ ءَ دلگوش گور کتگ کہ اے جوانیں فصل ءُ موسمی لوٹ ءِ اقتصادی ءِ رد ءَ اِنت۔ پاکستان ءَ سالے 22 ءَ بگر داں 23 ملین ہیکٹر ءِ دمگ ءَ ربیع ءُ خریف ءِ فصل ءِ کشت ءُ کشار کنگ بیت۔ ربی ءَ گندم مستریں فصل اِنت ءُ خریف ءَ برنج، کپاس ءُ گنی مستریں فصل اِنت۔ کھاد ءِ کارمرز کنگ ءِ رد ءَ اے فصلانی رد ءَ کنگ بیت کہ ایشی ءَ چہ زرعی پیداوار ءَ گیشی بوھگ ءَ اِنت۔ ملک ءَ یوریا ءِ سالانہ لوٹ 6.5 ءَ چہ 7.0ملین ٹن اِنت وھدے کہ ڈی اے پی ءِ لوٹ 1.2 ءَ چہ 1.5ملین ٹن ءِ نیام ءَ اِنت کہ ایشی ءِ مزنیں بھرے دمگی پیداوار ءَ چہ پیلو کنگ بیت۔ گند ءُ نند ءَ گوشگ بوت کہ پاکستان ءِ کھاد ءِ شوبگ ءَ مھکمیں پیداواری گنجائش است انت ءُ یوریا ءِ سالانہ پیداواری گنجائش نزیک ءَ 7 ملین ٹن انت۔ اے شوبگ وسیلگ آناں جوانیں رنگ ءَ کارمرد کنگ ءُ جوانیں ھمگرنچی ءِ وسیلگ ءَ سرجمیں ملک ءَ برجاھیں پیداوار ءُ سپلائی ءَ را دل یکیمی کنگ ءَ اِنت۔ خریف 2026ءِ ھوالگ ءَ چار ءُ تپاسی ءِ تہ ءَ وفاقی وزیر ءَ اے گپ ءِ سر ءَ دل یکیمی ءِ درشانی کت کہ یوریا ءُ ڈی اے پی دوئیں ءِ جوانیں کساس دستیاب بیت ءُ لوٹ ءِ پیلو کنگ ءِ واستہ جوانیں ذخائر ھست بیت۔ حکومت ھرچ ممکنہ جاور ھال ءَ گوں گر ءُ چیل بوھگ ءِ واستہ وھد ءِ سر ءَ گامگیج زورگ ءَ تیار اِنت تانکہ ھاسیں بوج ءِ موسم ءَ ھچ وڑیں رکاوٹ مہ بیت۔ حکومت جھان ءِ کھاد مارکیٹ ءِ جاور ھال آنی سر ءَ ھم نزیکی ءَ گوں چار ءُ تپاسی کنگ ءَ اِنت ءُ ڈی اے پی ءِ وھد ءِ سر ءَ درآمد کنگ ءِ واستہ گامگیج کنگ بوھگ ءَ اِنت۔ ڈیلیوری ءُ رسد ءِ نظام ءَ را گیش کارآمد جوڑ کنگ ءِ سر ءَ ھم زور دیگ بوت تانکہ ملک ءِ درستیں دمگ آنی تہ ءَ بے رکاوٹیں سپلائی برجاہ بہ بیت۔ وفاقی وزیر ءَ اے گپ ءِ سر ءَ زور پر دات کہ کشت ءُ کشاری ءِ واستہ کھاد مناسب نرخ ءَ دست کپ ایت۔ آئی ءَ گوشت کہ یوریا ءِ ملکی نرخ جھان ءِ مارکیٹ ءَ چہ باز کم انت کہ اے حکومت ءِ کشت ءُ کشاری دوستیں پالیشی آنی رد انت۔ آئی ءَ درستیں سیادی داروکیں ادارگ آناں پنت ءُ شون کت کہ آ شفافیت ءُ جوانیں بھر ءُ بانگ ءَ را دل یکیمی بہ کن اَنت تانکہ کھد وھد ءِ سر ءَ کشت ءُ کشاری ءَ سر بہ بنت۔ رانا تنویر حسین ءَ یک رندے پدا گوشت کہ پاکستان ءِ کھاد ءِ شوبگ مھکم، منظم ءُ ملک ءِ گیش بوھوکیں کشت ءُ کشاری لوٹ آناں پیلو کنگ ءِ سرجمیں توان ءِ واھند اِنت۔ آئی ءَ گوشت کہ جوانیں ذخائر، مھکمیں پیداواری گنجائش ءُ جوانیں ھمگرنچی ءِ سبب ءَ ربیع 2025-26 ءُ خریف 2026 ءِ دوئیں موسم آنی تہ ءَ کھد ءِ سپلائی بے رکاوٹ ءَ برجاہ بیت۔ حکومت کشت ءُ کشاری ءِ کمک ءُ کشت ءُ کشاری معیشت ءِ استحکام ءِ واستہ ہر وڑیں گامگیج ءَ را برجاہ دار ایت۔