نیشنل گرڈ کمپنی ءِ دمگی صنعت ءِ دیمروئی ءِ پالیسی مزنیں سوبمندی یے، سردار اویس احمد خان لغاری

اسلام آباد۔25مارچ  (اے پی پی): توانائی ءِ وفاقی وزیر سردار اویس احمد خان لگاری ءَ نیشنل گرڈ کمپنی ءِ بنجاہی صنعت ءِ دیمروئی ءِ پالیسی ءَ را مزنیں سوبمندی لیک اِتگ ءُ گوشت کہ ایشی ءِ چیر دستی ءَ پاکستانی صنعت آناں 12.673ارب کلدار ءِ معاہدہ دیگ بوتگ اَنت وھدیکہ بنجاہی جوڑ کتگیں صنعت آنی کارمردی ءَ چہ  بڈوئی ءِ گوما  کساس 40 درسد ءِ جوانیں بچت بوت کتگ۔  چار شمبے ءِ روچ ءَ جاڑی بوتگیں بیان ءِ تہ ءَ وفاقی وزیر ءَ زور پر دات کہ اے ٹھوس آسر حکومت ءِ نیمگ ءَ چہ بنجاھی پیداوار ءِ دیمروئی، درآمدات ءِ سر ءَ انحصار ءَ را کم کنگ ءُ معیشت ءَ را نپ ءِ پھجارینگ ءِ مول ءُ مراد ءِ اصلاحات آنی عکس اِنت۔ آئی ءَ گوشت کہ اے پالیشی ءِ وسیلگ ءَ وانگ ءُ زانگ ءِ آرڈر، میاں اوستمانی شریک آنی گوما یکجائی ءُ دمگی چیر دستی ادارگ آنی جوڑ کنگ ءِ وسیلگ ءَ بنجاہی صنعت آناں بااختیار جوڑ کنگ بوھگ ءَ انت۔ وفاقی وزیر ءِ سروکی ءَ تاں انوگ ءَ 9لکھ کلدار ءِ 9 وانگ ءُ زانگ ءِ آرڈر جاری کنگ بوتگ انت وھدیکہ 11لوکل کمپنی صلاحیت سازی ءِ واستہ رجسٹرڈ کنگ بوتگ انت ایشی ءَ چہ ملک ءِ صنعتی بنیات ءَ را گیش مھکم کنگ بوھگ ءَ انت۔ آئی ءَ گیش گوشت کہ اے پالیشی ءِ اثر ایوک ءَ ھرچ ءُ درچ ءِ کمی ءَ گوں بندوک نہ اِنت بلکیں درملکی زرّ ءِ رکھینگ ءِ وسیلگ ءَ سرجمیں اقتصادی استحکام ءِ تہ ءَ ھم مزنیں کرد پیلو کنگ ءَ اِنت۔ مقامی طور ءِ جوڑ کتگیں مواد ءِ وھد ءِ سر ءَ رسگ ءَ چہ منصوبگ آناں زوت سرجمی ءِ آسراتی رسگ ءَ اِنت کہ ایشی ءِ آسر ءَ سرجمیں ملک ءَ ٹرانسمیشن ءِ بنیاتی ڈھانچہ ءِ دیمروئی ءَ را ترند کنگ بوھگ ءَ اِنت۔ سردار اویس احمد خان لغاری ءَ آیوکیں کارروائی ءِ بابت ءَ گیش ءُ گیوار کنان ءَ گوشت کہ برآمدات ءِ سروکی ءَ دیمروئی ءِ واستہ بنجاہی پیداوار ءِ دیمروئی ءِ کلیدی انت ھاسیں رنگ ءَ اسٹیل، کیبل ءُ کنڈکٹر ءِ شوبگ ءَ کہ اودا بنجاہی گنجائش ءَ را مزنیں کساسے ءَ گیشی بوتگ۔ آئی ءَ اے جزم ءِ سر ءَ پدا زور پر دات کہ پاور ڈویژن صنعتی وت واجہی ءُ پائیدار اقتصادی استحکام ءَ را گیش کنگ ءِ واستہ اے وڑیں پالیشی آناں سرجمیں رنگ ءَ کمک کنگ ءَ برجاہ دار ایت۔