مزن وزیر ءَ دیوان ءِ سروکی کت، ملکی وردن ءِ لوٹ آناں اثر مند کنگ ءَ ابید خلیج ءِ ملک آنی تہ ءَ وردن ءِ چیز آنی برآمد کنگ ءِ واستہ گامگیج آنی ترند کنگ ءِ پنت ءُ شون

اسلام آباد۔25مارچ  (اے پی پی): مزن وزیر محمد شہباز شریف ءَ خلیج ملک آنی تہ ءَ وردن ءِ چیز آناں برآمد کنگ ءِ واستہ گامگیج آناں ترند کنگ ءِ پنت ءُ شون کتگ کہ ایشی ءَ چہ ملکی وردن ءِ لوٹ آناں تاوان مہ رسیت، کراچی ءُ گوادر ءَ ھوار میاں اوستمانی بالی پٹ آنی سر ءَ بالی آپریشن آپریشن ءَ را گیش کنگ ءِ واستہ یک جامع ایکشن پلان ءِ تیار کنگ بہ بیت ءُ ھشدار داتگ کہ اے پالیسی ءِ تہ ءَ ھچ وڑیں تاخیر ءُ نگرانی نہ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ چار شمبے ءِ روچ ءَ مزن وزیر محمد شہباز شریف ءِ سروکی ءَ یک ھاسیں دیوان ءِ برجم دارگ بوت کہ ایشی ءِ تہ ءَ استیں دمگی جاور ھال آنی رد ءَ خلیج ءِ ملک آنی تہ ءَ وردن ءُ وراک ءِ سامان آنی برآمد کنگ ءِ سر ءَ چار ءُ تپاسی کنگ بوت۔ نائب مزن وزیر ءُ دری کارانی وزیر   محمد اسحاق ڈار ، وزیر دفاع خواجہ محمد آصف، وفاقی وزیر برائے  منصوبہ بندی احسن اقبال، وفاقی وزیر  برائے قانون و انصاف اعظم نذیر تارڑ، وفاقی وزیر  برائے اقتصادی کار  احد خان چیمہ ، وفاقی وزیر برائے خزانہ   ءُ   گپت ءُ گیر  محمد اورنگزیب ، وفاقی وزیر برائے  قومی غذائی تحفظ رانا تنویر حسین ، وفاقی وزیر  برائے اھوالکاری ءُ  شنگ کاری عطاء اللہ تارڑ ، وفاقی وزیر  برائے بحری امور جنید انوار چوہدری، مزن وزیر ءِ ھاسیں کمکار  ہارون اختر  ءُ ہمگرنچیں مزنیں سرکاری حکام ءَ بہر زرتگ ات۔ مزن وزیر محمد شہباز شریف ءَ خلیج ءِ ملک آناں وردن ءُ وراک ءِ چیز آنی رسگ ءِ ھوالگ ءَ جوڑ کتگیں حکمت عملی ءُ انوگ ءَ تاں بوتگیں پیشرفت ءِ سر ءَ دل یکیمی ءِ درشان کت ءُ سیادی داروکیں محکمہ ءُ افسر آنی کارکردگی ءَ را ساڑات۔ آئی ءَ پنت ءُ شون کت کہ خلیج ءِ ملک آنی لوٹ ءِ وردن ءُ وراک ءِ پھجاری ءُ آہانی وردن ءُ وراک ءِ رکھینگ ءِ ہوالگ ءَ درستیں سیادی داروکیں محکمہ خلیج ءِ ملک آنی گوما نزیکیں رابطہ ءَ بہ بنت۔ آئی ءَ گوشت کہ استیں دمگی جاور آنی درگت ءَ گلوبل سپلائی لائن ءَ را تاوان رسیت گڈا خلیج ءِ ملک آنی وردن ءُ وراک ءِ ضلورت آنی دلگوشی ءَ را دلگوش دیگ مئے فرض انت۔ آئی ءَ پنت ءُ شون کت کہ ملک ءَ چہ کثرت ءَ دست کپتگیں وردن ءُ وراک ءِ چیز خلیج ملک آنی تہ ءَ برآمد کنگ ءِ واستہ ترندیں رنگ ءَ کار کنگ بہ بیت ءُ ملک ءِ وردن ءُ وراک ءِ ضلورت آنی سر ءَ اثر مہ کپ ایت، ءُ ملک ءِ وردن ءِ ضلورت آنی واستہ وردن ءِ چیز آنی لوٹ ءُ گزر ءِ سر ءَ سرجمیں رنگ ءَ نگرانی کنگ بہ بیت۔ آئی ءَ ھشدار داتگ کہ سرکاری ادارگ آنی تک ءَ پیسلہ کنگ ءِ تہ ءَ ھرچ وڑیں تاخیر منگ نہ بیت، ءُ تاخیر ءِ ذمہ وار آنی احتساب ءَ را دل یکیمی کنگ بیت۔ مزن وزیر محمد شہباز شریف ءَ کراچی، گوادر ءُ اے دگہ ھاسیں پاکستانی میاں اوستمانی بالی پٹ آنی سر ءَ بالی آپریشن آنی تہ ءَ گیشی ءِ واستہ سرجمیں ایکشن پلان ءِ تیار کنگ ءِ ھم پنت ءُ شون کتگ۔ دیوان ءَ خلیج ءِ ملک آنی تہ ءَ المی سامان آناں برآمد کنگ ءِ واستہ کتگیں گامگیج آنی بابت ءَ سرپدی دیگ بوت، ایشی ءِ تہ ءَ ھال دیگ بوت کہ خلیج ءِ ملک آنی گوما برآمد آناں دیمروئی دیگ ءِ واستہ جوڑ بوتگیں ھاسیں کمیٹی ءَ 40 وردن ءِ چیز آنی برآمد کنگ ءِ منظوری داتگ، ایشی ءِ تہ ءَ برنج، کھان ءِ تیل، شکر، گوشت، پولٹری، دودھ، ھشکیں چیز، . بریفنگ ءِ رد ءَ خلیج ءِ ملک آنی گوما تجارت ءِ واستہ برآمد کنوک آنی ڈیٹا بیس تیار کنگ بوتگ، سبزی، میوہ ءُ گوشت ءِ برآمد ءِ واستہ ھچ وڑیں گیشیں زرّ دیگ نہ بیت، وردن ءُ وراک ءِ برآمد ءِ واستہ ھوا ءُ دریائی پچیں راہ کارمرد کنگ بنت ءُ خلیج ءِ ملک آنی گوما کاروباری گند ءُ نند ءُ ویبینار کنگ بنت۔ بریفنگ ءِ رد ءَ کسانیں ائید ءِ چھٹی آنی ساھت ءَ ھم کراچی ءُ بن قاسم ءِ بندر سرجمی ءَ کار ءَ برجاہ بوتگ اَنت۔ ٹرانس شپمنٹ ءِ گنجائش ءَ را گیش کنگ ءِ ھاتر ءَ آف ڈاک ٹرمینل آنی سر ءَ ٹرانس شپمنٹ ءِ ہینڈلنگ ءِ اجازت ھم دیگ بوتگ ات کہ ایشی ءِ ھاتر ءَ کسٹم ءِ کانود آنی تہ ءَ المی ترمیم کنگ بوتگ ات۔ بندرگاہاں ٹرانسپورٹ ءِ سرا جتگیں شرح 60 درسد کم کنگ بوتگ انت، بندرگاہاں برآمدات ءِ آسراتی ءِ میز چالو کنگ بوتگ انت ءُ خام تیل ءِ آرگ ءِ جہازاں اولویت ءِ بنیاد ءَ بندرگاہاں لنگر بند کنگ بوہگ ءَ انت۔