حکومت ملک ءِ دراہیں دمگاں ھاسیں رنگ ءَ گلگت بلتستان ءِ دیمروئی ءُ وشھالی ءَ را اولیت دیگ ءَ اِنت، انجینئر امیر مقام

اسلام آباد۔25مارچ  (اے پی پی): وفاقی وزیر انجینئر امیر مقام ءَ گوشت کہ مزن وزیر محمد شہباز شریف ءِ سروکی ءَ حکومت ملک ءِ توامیں دمگ ھاسیں رنگ ءَ گلگت بلتستان ءِ دیمروئی ءُ وشھالی ءَ را اولی ترجی دیگ ءَ انت۔ اے ھیالانی درشانی آئی ءَ سر وزیر گلگت بلتستان جسٹس (ر) یار محمد خان ءِ گوما گند ءُ نند ءِ ساھت ءَ کت۔ گند ءُ نند ءَ امن ءُ ایمنی ءِ جاور ءُ گلگت بلتستان ءِ دیمروئی جیڈھ آنی سر ءَ سرجمیں رنگ ءَ گپ ءُ تران کنگ بوت۔ آئی ءَ اے گپ ءِ سر ءَ زور پر دات کہ امن ءُ ایمنی ءِ برجائی پائیدار دیمروئی ءِ واستہ المی اِنت، وھدیکہ سیل ءُ سواد ءِ دیمروئی ءِ واستہ امن ءُ ایمنی ءِ چاگرد ھم بنیاتی اِنت۔ اے موہ ءِ سر ءَ نگران سر وزیر جسٹس یار محمد خان ءَ گلگت بلتستان ءَ امن ءُ ایمنی ءِ برجائی ءِ تہ ءَ وفاقی وزیر انجینئر امیر مکام ءِ کرد ءَ را ساڑات ءُ وفاقی حکومت ءِ کمک ءِ سر ءَ منت گپت۔ آئی ءَ گوشت کہ مرکز ءِ کمک ءَ چہ دمگ ءَ دیمروئی ءِ عمل گیش مھکم بیت۔ گند ءُ نند ءَ کشمیر ءِ کارانی وفاقی سیکریٹری برائے کشمیر کار ، گلگت بلتستان و سیفران ظفر حسن ءُ  ایڈیشنل سیکریٹری کامران الرحمٰن  ھم ساڑی ات۔