اسلام آباد۔25مارچ (اے پی پی): درئی کارانی کارگس ءِ جارکش طاہر حسین آندرابی ءَ گوشت کہ پاکستان آسیہ آندرابی، فہمیدہ صوفی ءُ ناہیدہ نسرین ءِ گوما سرجمیں یکوئی ءِ درشان کنت ءُ یک سکیں کانود ءِ رد ءَ بھارتی آمید گس ءِ فیصلہ ءِ سک باز مذمت کنت کہ اے انصاف ءِ لوٹ آنی ھلاپ ءَ انت۔ چار شمبے ءِ روچ ءَ سوشل میڈیا پلیٹ فارم ایکس ءِ سر ءَ …
دری کارانی کارگس ءِ جارکش ءَ گْوشتگ کہ آسیہ اندرابی، فہمیدہ صوفی ءُ ناہیدہ نسرین ءِ ھلاپ ءَ ھندی آمیدگس ءِ فیصلہ انصاف ءِ لوٹانی ھلاپ اِنت
گیشتریں ھال
اسلام آباد۔25مارچ (اے پی پی): درئی کارانی کارگس ءِ جارکش طاہر حسین آندرابی ءَ گوشت کہ پاکستان آسیہ آندرابی، فہمیدہ صوفی ءُ ناہیدہ نسرین ءِ گوما سرجمیں یکوئی ءِ درشان کنت ءُ یک سکیں کانود ءِ رد ءَ بھارتی آمید گس ءِ فیصلہ ءِ سک باز مذمت کنت کہ اے انصاف ءِ لوٹ آنی ھلاپ ءَ انت۔ چار شمبے ءِ روچ ءَ سوشل میڈیا پلیٹ فارم ایکس ءِ سر ءَ وتی بیان ءِ تہ ءَ آئی ءَ گوشت کہ اے فیصلہ بھارت ءِ ناجائزیں رنگ ءَ مقبوضہ جموں ءُ کشمیر ءَ سیاسی مول ءُ مراد ءِ یک مزنیں سلسلہ ءِ بھر اِنت کہ ایشی ءِ مول ءُ مراد ایش اِنت کہ اختلاف ءِ توار آناں سرکوب کنگ ءُ کشمیری راج ءِ جائزیں ھک آنی واستہ وتی توار چست کنوک آناں ترسینگ بہ بیت۔ آئی ءَ گوشت کہ اے سزا قبضہ گیریں انتظامیہ ءِ قانونی لوٹ آنی سر ءَ عمل کنگ، عدالتی آجوئی ءُ ناجائزیں رنگ ءَ مقبوضہ جموں ءُ کشمیر ءَ میاں اوستمانی انسانی ھک آنی ذمہ واری آنی سر ءَ عمل کنگ ءِ سر ءَ مزنیں جیڈھ ءِ دیم ءَ آرگ ءَ اَنت۔\932
