اسلام آباد۔ 25 مارچ (اے پی پی ) دفترخارجہ نا ترجمان طاہر حسین اندرابی پارینے کہ پاکستان آسیہ اندرابی ، فہمیدہ صوفی و ناہیدہ نسرین تون پورو یکجہتی نا درشانی ءِ کیک و اسہ سخت کانود اسے نا رداٹ بھارتی عدالت نا دا فیصلہ نا ترندی اٹ مذمت ءِ کیک ہرا انصاف نا خواست آتیان چپ ءِ۔ چارشنبے نادے آ سوشل میڈیا پلیٹ فارم ایکس آ تینا بیان اٹی اوپارے …
آسیہ اندرابی ، فہمیدہ صوفی و ناہیدہ نسرین نا برخلاف بھارتی عدالت نا فیصلہ انصاف نا خواست آتیان چپ ءِ، ترجمان دفترخارجہ
گیشتریں ھال
اسلام آباد۔ 25 مارچ (اے پی پی ) دفترخارجہ نا ترجمان طاہر حسین اندرابی پارینے کہ پاکستان آسیہ اندرابی ، فہمیدہ صوفی و ناہیدہ نسرین تون پورو یکجہتی نا درشانی ءِ کیک و اسہ سخت کانود اسے نا رداٹ بھارتی عدالت نا دا فیصلہ نا ترندی اٹ مذمت ءِ کیک ہرا انصاف نا خواست آتیان چپ ءِ۔ چارشنبے نادے آ سوشل میڈیا پلیٹ فارم ایکس آ تینا بیان اٹی اوپارے کہ دا فیصلہ بھارت نا غیرکانودی وڑاٹ کوزہ ٹی جموں وکشمیر اٹی سیاسی بنداوآ جوڑ مقدمہ غاتا اسہ بھلو چرجوئی اسے نا بشخ ءِ ہرانا مسخت اختلافی توار تے توننگ و کشمیری الس نا روا حق آتیکن توار بڑزکروک آتے خوفزدہ کننگ ءِ۔ اوپارے کہ دا سزاتیان بھارت نا غیرکانودی کوزہ ٹی جموں وکشمیر اٹی کوزہ گیر انتظامیہ نا کنڈآن کانودی خواست آتا پاسداری ، عدالتی وتواجہی و جہانی انسانی حق انا زمواری تیا عملدرآمد نا بابت سنگین خدشتہ غاتے ودکی کیک۔
