ریاض۔ 25 مارچ (اے پی پی ) سعودی عرب نا وزیر دفاع شہزادہ خالد بن سلمان تون فرانس نا سلہہ بند فوج انا وزیر کھیترین واٹرن ریاض اٹی اوڑدہی کرے ہراٹی ہڑتوم آ ملک آتا دفاعی بشخ اٹی تعلقداری و اوفتے سوگو کننگ نا وڑوڈول آتا جاچ ءِ ہلنگا۔ اردونیوز نا رداٹ سعودی وزیر دفاع ایکس اکاؤنٹ آ تینا پوسٹ اٹی پارے کہ اوڑتون فرانس نا سلہہ بند فوج انا …
سعودی وزیردفاع تون فرانس نا سلہہ بند فوج انا وزیر نا اوڑدہی، دفاعی تعلقداری تے سوگو کننگ نا وڑوڈول آتا جاچ ءِ ہلکر
گیشتریں ھال
ریاض۔ 25 مارچ (اے پی پی ) سعودی عرب نا وزیر دفاع شہزادہ خالد بن سلمان تون فرانس نا سلہہ بند فوج انا وزیر کھیترین واٹرن ریاض اٹی اوڑدہی کرے ہراٹی ہڑتوم آ ملک آتا دفاعی بشخ اٹی تعلقداری و اوفتے سوگو کننگ نا وڑوڈول آتا جاچ ءِ ہلنگا۔ اردونیوز نا رداٹ سعودی وزیر دفاع ایکس اکاؤنٹ آ تینا پوسٹ اٹی پارے کہ اوڑتون فرانس نا سلہہ بند فوج انا وزیر اوڑدہی کرے ہراٹی ہڑتوم آ ملک آتا نیام اٹ دفاعی تعلقداری تا جاچ ءِ ہلکن، اوفتے پین سوگو کننگ نا وڑوڈول پٹان ، علاقائی پیش رفت و اونا چندی اثرآتیا ہم ہیت کرین۔ داوخت آ چیف آف جنرل اسٹاف لیفٹیننٹ جنرل فیاض الرویلی و وزارت دفاع نا بڑزکو کمامدار، سعودی عرب اٹی فرانس نا سفیر پیٹرک میسو ناواو فرانسیسی سلہہ بند فوج انا وزارت نا عہدیدار آک ہم بشخ ہلکر۔
