دری کارانی وزیر اسحاق ڈار ءَ گوں امارات ءِ ہمکار شیخ عبداللہ بن زاید النہیان ءَ طوفان ءِ بابت ءَ گپ ءُ تران

اسلام آباد۔24مارچ  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ گوں امارات ءِ نائب مزن وزیر ءُ درئی کارانی وزیر شیخ عبداللہ بن زاید النہیان ءَ سائیکلون ءِ بابت ءَ گپ ءُ تران کتگ۔ سئے شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ دوئیں سروک آنی نیمگ ءَ دمگ ءِ تہ ءَ دیمروئی کنوکیں جاور ھال آنی سر ءَ ھیال ءُ لیکہ ءِ درشان کنگ بوتگ۔ امن ءُ ایمنی ءِ ارزشت ءَ را پدر کنان ءَ نائب مزن وزیر اسحاق ڈار ءَ تناؤ ءِ ترندیں رنگ ءَ ھلاسی ءِ ضلورت ءِ سر ءَ زور پر دات۔ آئی ءَ اے گپ ءِ سر ءَ ھم زور پر دات کہ جیڈھ آنی گیواری ءِ واستہ گپ ءُ تران ءُ سفارتکاری یکیں قابل عملیں راہ اِنت۔ آئی ئَ بازیں پاکستانی شہری ءِ جانی تاوان ءِ سر ئَ سک دلپدردی ءُ دلپدرد ءِ درشان کتگ۔ نائب مزن وزیر ءَ اے مشکلیں وھد ءَ امارات ءِ گوما پاکستان ءِ مھکمیں یکوئی ءِ پدا زور دات۔ دوئیں بامرد آں سلام ءُ دروت کت ءُ دو نیمگی نزیکیں رابطہ برجم دارگ ءِ سرا تپاک کت۔