راجی اسمبلی ءِ اسپیکر سردار ایاز صادق ءَ گورنر سندھ نہال ہاشمی ءَ گوں گند ءُ نند

کراچی۔24مارچ  (اے پی پی): راجی اسمبلی ءِ اسپیکر سردار ایاز صادق ءَ گورنر سندھ نہال ہاشمی ءَ گوں گند ءُ نند کت۔ اے موہ ءِ سر ءَ ڈپٹی اسپیکر سد غلام مصطفیٰ شاہ ھم ساڑی ات۔ قومی اسمبلی ءِ سیکرٹریٹ ءِ رد ءَ اے گند ءُ نند سئے شمبے ءِ روچ ءَ کراچی ءَ گورنر سندھ ءِ گس ءَ بوتگ۔ اسپیکر ءَ گورنر سندھ ءِ اگدہ ءِ سر ءَ نندگ ءِ پد ءَ ءُ ائید الفطر ءِ موہ ءَ نہال ہاشمی ءَ را مبارک بات دات۔ اسپیکر ئَ گورنر سندھ ءِ دیریں جہد ئَ را شان ءُ تاج دات۔ ءُ نہال ہاشمی ءِ ھاتر ءَ وتی نیکیں واھگ آنی درشان کت۔ اسپیکر ئَ گوشت کہ گورنر سندھ ءِ پست صوبگ ءُ وفاق ءِ سیادی ءِ واستہ مزنیں ارزشت ءِ دار انت۔ آئی ءَ گوشت کہ امیت انت کہ گورنر سندھ ءِ بستار ءَ نہال ہاشمی فیڈریشن ءِ گوما سیادی ءَ را گیش مھکم کنگ ءُ سرکاری ھزمت ءَ را دیمروئی دیگ ءِ واستہ جوانیں کرد پیلو کنت۔ آئی ءَ گوشت کہ سندھ صوبگ ءِ دیمروئی، وشھالی ءُ ھمگرنچی ءُ وفاقی حکومت ءِ تہ ءَ گورنر سندھ ءِ کرد سک باز ارزشتی اِنت۔ راجی اسمبلی ءِ اسپیکر سردار ایاز صادق ءَ نہال ہاشمی ءِ کامیابی ءِ واستہ دعا کتگ ۔ قومی اسمبلی ءِ ڈپٹی اسپیکر سد غلام مصطفیٰ شاہ ءَ ھم نہال ہاشمی ءَ را سندھ ءِ گورنر ءِ اگدہ ءِ سر ءَ نندگ ءِ پد ءَ مبارک بات دات ءُ آئی ءِ وشھالی ءِ واستہ نیکیں واھگ آنی درشان کت۔ گورنر سندھ نہال ہاشمی ءَ وتی گس ءَ اسپیکر ءُ ڈپٹی اسپیکر ءِ نیکیں واھگ آنی درشان کت۔