پاکستان ءِ دری پالیشی ءِ تہا وقار، طاقت ءُ امن ءِ ھاتر ءَ مھکمیں عزم ءِ درشانی کنگ بوتگ، پارلیمانی کارانی وفاقی وزیر

اسلام آباد۔24مارچ  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ پاکستان ءِ استیں دری پالیشی ءِ تہ ءَ شرپ، زور ءُ امن ءِ ھاترا مھکمیں عزم ءِ درشان اِنت کہ ایشی ءِ تہ ءَ مزن وزیر محمد شہباز شریف، نائب مزن وزیر محمد اسحاق ڈار اور فیلڈ مارشل سید عاصم منیر  دور چاری ءَ گوں دیم ءَ جنزگ ءَ اِنت۔ سئے شمبے   ءِ روچ ءَ پریس کانفرنس ءَ گوں تران کنان ءَ آئی ءَ گوشت کہ بے یقینی ءُ جیڈھ آناں چہ پُریں مرچیگیں جھان ءِ چاگرد ءَ پاکستان امن، گپ ءُ تران ءُ وت مہ وتی ءِ شرپ ءِ دیمروئی ءِ تہ ءَ مزنیں کردے پیلو کنگ ءَ اِنت۔ آئی ءَ گوشت کہ پاکستان ءِ موقف مدام انصاف، مظلوم راج آنی کمک ءُ پڑ ءَ استحکام ءِ برجائی ءِ پجّار ءَ بوتگ ءُ ایشی ءِ توار جھان ءِ تک ءَ ھمگرنچی، یکوئی ءُ انسانیت ءِ چراگ ءِ رنگ ءَ گوشدارگ بیت۔ آئی ءَ گوشت کہ مشکل آنی باوجود پاکستان ءَ اے گپ ثابت کتگ مئے یکوئی ءِ درشان ءَ نہ ایوک ءَ میاں اوستمانی سیادی ءَ را گہتر کتگ بلکینگ ءَ پاکستان ءِ یک انچیں ملک ءِ رنگ ءَ جوانیں امیج ءَ را ھم پدر کتگ کہ آ امن، وت مہ وتی کمک ءُ دیمروئی ءِ واستہ اوشتاتگ۔ آئی ءَ گوشت کہ مرچی پاکستان نہ ایوک ءَ وتی نپ آنی رکھینگ ءَ انت بلکینگ ءَ یک جوانیں ءُ پرامنیں باندات ءِ بنیات ءِ ایر کنگ ءَ انت کہ اودا اختلاف آنی بدل ءَ گپ ءُ تران حاضر انت۔ آئی ءَ گوشت کہ دگنیا نوں پاکستان ءَ را یک انچیں ملکے ءِ رنگ ءَ گندگ ءَ اِنت کہ آ امن ءَ را اولیت دنت بلکن ءَ وتی شرپ ءُ اصول آنی سر ءَ ھم مھکم اِنت۔