دگہ ملک آنی برخلاف پاکستان ءَ پٹرولیم ءِ چیز آنی ھوالگ ءَ متوازن ءُ محتاطیں حکمت عملی ءِ سرا عمل کتگ، نرخ آنی تہ ءَ گیشی ءِ شرح 22 ءَ چہ 24درسد بوتگ، مشیر وزیر ھزانگ

اسلام آباد۔24مارچ  (اے پی پی): مشیر  خزانہ خرم شہزاد ءَ گوشت کہ جھان ءِ مارکیٹ آنی تہ ءَ ایندھن ءِ نرخ آنی تہ ءَ گیشی ءِ ھال آنی  تہ ءَ پاکستان ءَ نسبتا متوازن ءُ محتاطیں حکمت عملی ءِ سرا عمل کتگ ءُ مالیاتی استحکام ءُ السی مفاد ءِ نیام ءَ توازن ءِ برجائی ءِ کوشست کتگ۔ دگہ ملک آنی برعکس پاکستان ءَ پٹرولیم ءِ چیز آنی نرخ آنی تہ ءَ گیشی ءِ شرح 22 ءَ چہ 24درسد ءِ تہ ءَ بوتگ۔ سئے شمبے ءِ روچ ءَ سوشل نیٹ ورکنگ ءِ ویب سائٹ ’ایکس‘ ءِ سر ءَ وتی پوسٹ ءِ تہ ءَ آئی ءَ گوشت کہ گوستگیں ھپتگ آنی تہ ءَ جھان ءِ تہ ءَ ایندھن ءِ نرخ آنی تہ ءَ مزنیں گیشی بوتگ۔ بازیں ملکاں ڈیزل ءِ نرخانی گیشی ءَ را مزنیں کچے ءَ صارفین ءَ را دیم داتگ، ایشی ءِ برعکس۔ پاکستان ءَ مالیاتی استحکام ءُ السی مفاد ءِ نیام ءَ توازن ءِ برجائی ءِ واستہ نسبتا متوازن ءُ محتاط حکمت عملی ءِ سرا عمل کتگ۔ وزیر خزانہ ءَ گوشت کہ اقتصادی پٹ ءُ پول ءِ رد ءَ دیمروئی کتگیں ءُ نوک دراتکگیں معیشت دوئیں ملک آنی تہ ءَ ایندھن ءِ نرخ آنی تہ ءَ سک باز گیشی بوتگ۔ ڈیزل ءُ پٹرول ءِ نرخانی تہ ءَ جھان ءِ تک ءَ گیشی پاکستان ءِ ھساب ءَ باز گیش بوتگ کہ اودا بازیں ملک آنی تہ ءَ نرخ آنی تہ ءَ 27 ءَ چہ 71 درسد یا گیش گیشی بوتگ وھدے کہ پاکستان ءَ گیشی نسبتاً کم بوتگ ءُ 22 ءَ چہ 24 درسد بوتگ۔ آئی ءَ گوشت کہ بازیں ملک ھاسیں رنگ ءَ نوک دراتکگیں معیشت آناں جھان ءِ نرخ آنی تہ ءَ گیشی ءِ جھٹکا آناں ترند ءُ مزنیں کچ ءُ کساس ءَ صارف آناں سر کتگ ایشی ءِ آسر ءَ بنجاہی تک ءَ ایندھن ءِ نرخ آنی تہ ءَ مزنیں کساسے ءَ گیشی بوتگ۔ آئی ءَ گوشت کہ پٹرولیم ءِ چیز آنی سر ءَ ٹیکس ءِ ھوالگ ءَ اعداد و شمار ءِ رد ءَ پاکستان ءَ اے چیز آنی سر ءَ ایکسائز ڈیوٹی ءِ سرجمیں شرح 25درسد اِنت ایشی ءِ تہ ءَ ڈیزل ءِ سر ءَ 16درسد ءُ پٹرول ءِ سر ءَ 33درسد اِنت۔ اے شرح چہ دمگی اوسط 35درسد ءَ کم اِنت وھدے کہ پاکستان ءَ پٹرول ءِ سر ءَ ایکسائز ڈیوٹی ءِ شرح صفر درسد ءَ دارگ بوتگ کہ اگاں نہ 18درسد بوتگ اَت۔ آئی ءَ گوشت کہ پاکستان ءِ نیمگ ءَ چہ نرخ آنی تہ ءَ بدلی نسبتا اعتدال پسند ءُ مرحلہ وار بوتگ، ایشی ءَ چہ یک نیمگ ءَ مالیاتی نظم و ضبط ءِ برجائی ءُ دومی نیمگ ءَ الس ءِ سر ءَ کم چہ کم بوجھ ءِ مول ءُ مراد ءِ رد ءَ یک زانت ءُ متوازنیں رپک ءِ درشان کنگ بوتگ۔ آئی ءَ گوشت کہ جھان ءِ رجحان آنی رد ءَ اے ھم گندگ ءَ کیت کہ دراجیں وھد ءِ واستہ سبسڈی ءِ برجائی ءِ گنجائش گیش ءُ گیوار بوھگ ءَ اِنت ءُ گیشتریں ملک کم کم ءَ نرخ آناں حقیقت پسندانہ تک ءَ آرگ ءِ نیمگ ءَ روگ ءَ اَنت۔