ٹی بیدرمان نا قابل ءُ مرض اس ، ، پاکستان دانا چٹفنگ کن سنبرینگوک ءِ ، چیئرمین سینیٹ

اسلام آباد۔ 24 مارچ (اے پی پی) چیئرمین سینیٹ سید یوسف رضا گیلانی پارینے کہ پاکستان تپِ دق (ٹی بی) نا چٹفنگ کن سنبرینگوک ءِ و دا مسخت نا دوئی کننگ کن مربوط و گچین گام گیج برجاءِ ۔ سینیٹ سیکرٹریٹ نا رداٹ تپِ دق نا جہانی دے انا وخت آ جاری کلہو اٹی چیئرمین سید یوسف رضا گیلانی پارے کہ ٹی بی اسہ درمان نا قابل و بچنگ نا قابل ءُ مرض اسے ولے پدتموک آ ملک آتے ٹی دا داسہ ہم اسہ سنگین ءُ چیلنج اسے نا وڑ اٹ ساڑی ءِ ۔او پارے کہ ٹی بی نئے بیرہ ناجوڑ بلکن اوفتا خاہوت و مچ آ نظامِ جان جوڑی آ ہم بھلو ببھاریم اس شاغک ۔ چیئرمین سینیٹ دا ہیت آ زور شاغا کہ السی آگاہی ٹی ودکی و وخت آ تشخیص ءِ پک کننگ بھاز المی ءِ تانکہ ناجوڑی ءِ اولی ریسہ ٹی ہی کنٹرول کننگ مرے۔او پارے کہ ناجوڑ آتے گچین درمان نا بے سلنگ آن فراوانی المی ءِ و دا رداٹ جان جوڑی نا نظام ءِ پین سوگو کننگ قومی اولیت بایدے مرے ۔ سید یوسف رضا گیلانی پارے کہ احتیاطی گام گیج آتے ٹی زرکاری نا کمک اٹ ٹی بی نا چٹفنگ ممکن ءِ ۔ طبی چاہندار و فرنٹ لائن ورکرز آتا خذمت آک ستا کڑزرہ ہرا دا ناجوڑی نا برخلاف جنگ اٹی اہم ءُ کڑد ادا کننگ ءُ۔او داہیت انا درشانی ءِ کرے کہ ٹی بی آن پاک پاکستان کن حکومتی ادارہ، سول سوسائٹی و الس ءِ اواری اٹ کوشست کروئی مریک تانکہ دا مہلک ناجوڑی ءِ چٹفنگ ممکن مرے۔