وفاقی اھوالکاری ءِ وزیر ءَ 8 سالی مہر ءِ ھاندان ءَ گوں گند ءُ نند کتگ کہ آئی ءَ را آوارہ کتے ءَ ٹپ داتگ، جنک ءِ پت ءَ را 5 لکھ کلدار مالی کمک ءُ نوکری ءِ پرمان داتگ

لاہور۔23مارچ (اے پی پی): لاہور ءِ ٹاؤن شپ ءِ دمگ ءَ وفاقی وزیر ءِ اھوالکاری ءُ نشریات عطا اللہ ترار ءَ ہشت سالی جنک مہار ءِ آوارہ سگ ءِ کشگ ءِ سبب ءَ بیران بوتگیں مردم ءِ کھول ءَ گوں گند ءُ نند کتگ۔ آئی ءَ جنک ءِ پت ءِ واستہ آماچیں ھاندان ءَ را 5لکھ کلدار مالی کمک ءُ نوکری ءِ پرمان داتگ ءُ ھمے وھد ءَ اے وئیل ءِ گیواری ءِ واستہ دو باسکی کمیٹی ھم جوڑ کتگ۔ تفصیلات ءِ رد ءَ دو شمبے ءِ روچ ءَ وفاقی وزیر اھوالکاری ءُ نشریات عطا اللہ ترار ءُ مزنیں سیاستدان ساجدہ فاروق ترار ءَ ٹاؤن شپ ءَ بیران بوتگیں مہر ءِ لوگ ءِ تر ءُ تاب کتگ ءُ آئی ءِ پت قیصر صدیق مسیح ءُ آئی ءِ لوگ ءِ ایندگر مردماں گوں دلپدردی درشان کتگ۔ اے موہ ءِ سرءَ آہاں دل ءِ جہلانکی ءَ چہ دلپدردی ءُ رنج ءُ گم ءِ درشانی کتگ ءُ گشتگ کہ آ زیان بوتگیں کھول ءِ غم ءَ یک پیم ءَ شریک انت۔ وفاقی وزیر ءَ آماچیں ھاندان ءَ را 5لکھ کلدار ءِ چیک پیش کتگ ءُ جنک ءِ پت ءَ را ترندیں روزگار ءِ پجارینگ ءِ پرمان ھم داتگ۔ اے موہ ءِ سر ءَ عطا اللہ تارڑ ءَ آوارہ پُچانی جیڈھ ءِ گیش ءُ گیوار ءِ واستہ رفاقت ڈوگر ءُ مریم گل ءِ ھواریں دو باسکی کمیٹی جوڑ کنگ ءِ جار جتگ۔ کمیٹی آمید گس ءَ پیش بیت ءُ ھما پرمانانی ھوالگ ءَ جاور ھال ءَ را پدر کنت کہ آھانی رد ءَ سگ ءِ کُشگ ءِ سر ءَ پابندی ءِ پرمان شنگ کنگ بوتگ وھدے کہ آمید گس ءَ پابندی ءِ پرمان ءِ ھلاس کنگ ءِ لوٹ ھم کنگ بیت۔ آئی ءَ گوشت کہ اے غمناکیں وئیل ءَ چہ آئی ءِ دل سک رنج انت، اے وڑیں وئیل آنی گر ءُ دار ءِ واستہ ھمک رنگ ءِ گامگیج چست کنگ بیت۔