وفاقی وزیر داخلہ، وفاقی وزیر خزانہ ءُ وفاقی وزیر پٹرولیم ءِ صدر آصف علی زرداری ءَ گوں گند ءُ نند

لاڑکانہ۔23مارچ (اے پی پی): وفاقی تہی کارانی وزیر محسن نقوی، وفاقی وزیر خزانہ محمد اورنگزیب ءُ وفاقی پٹرولیم ءِ وزیر علی پرویز ملک ءَ بھٹو ہاؤس نو ڈیرو  ءَ صدر آصف علی زرداری ءَ گوں گند ءُ نند کت۔ اے موہ ءِ سر ءَ زالبولانی ونگ فریال تالپور ءُ صوبائی وزیر سندھ سید ناصر حسین شاہ ھم ھوار اتنت۔ دو شمبے ءِ روچ ءَ صدارت ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ ملک ءَ امن ءُ ایمنی ءِ جاور، اقتصادی جاور، توان ءِ شوبگ ءُ پٹرولیم پیداوار ءِ نرخ آنی اثر آنی سر ءَ ھیال ریچی کنگ بوتگ وھدیکہ وفاقی تہی کارانی وزیر ءَ صدر ءِ مملکت ءَ را ملک ءَ برجاھیں انسداد ناشرکاری آپریشن ءُ سیمسر سیکورٹی ءِ جاور ھال آنی بابت ءَ سرپد کتگ۔ گند ءُ نند ءَ پاک اوگانستان ءِ کش ءُ چیل ءُ دمگی سیکورٹی چیلنج آنی سر ءَ ھم سرجمیں رنگ ءَ چار ءُ تپاسی کنگ بوت۔ وفاقی وزیر خزانہ ءُ وزیر پٹرولیم ءَ صدر ءِ مملکت ءَ را پٹرولیم ءِ چیز آنی نہاد آنی تہ ءَ گیشی ءِ رد ءَ اقتصادی اشارہ، توان ءِ شوبگ ءُ حکومتی گامگیج آنی بابت ءَ سرپد کت۔ صدر ءِ مملکت ءَ ہدایت کت کہ دمگی جاور ھال آنی درگت ءَ اقتصادی پالیسی آنی تہ ءَ السی ریلیف ءَ را اولیت دیگ بہ بیت ءُ پٹرولیم ءِ چیز آنی نرخ آنی بار کم چہ کم کنگ بہ بیت تانکہ عام مردم ءَ را آسراتی پجاری کنگ بہ بیت۔