نائب مزن وزیر ءُ دری کارانی وزیر سینیٹر محمد اسحاق دار ءَ عراق ءِ نائب مزن وزیر ءُ دری کارانی وزیر فواد حسین ءَ گوں ٹیلی فون کتگ ، انوگیں دمگی جاور ھال ءِ سر ءَ گپ ءُ تران کتگ

اسلام آباد۔23مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ دوشمبے ءِ روچ ءَ عراق ءِ نائب مزن وزیر ءُ درئی کارانی وزیر فواد حسین ءَ گوں ٹیلی فون کتگ ءُ دمگی جاور ھال آنی سر ءَ گپ ءُ تران کتگ۔ وزارت خارجہ ءِ نیمگ ءَ چہ جاڑی بوتگیں بیان ءِ رد ءَ دوئیں رہشوناں دمگی کش ءُ گوری ءُ ایشی ءِ گیشیں آسر آنی سر ءَ سک باز جیڈھ ءِ درشانی کتگ۔ نائب مزن وزیر ءُ دری کارانی وزیر سینیٹر اسحاق دار ءَ کش ءُ چیل ءِ کم کنگ ءُ گیشیں بے رھبندی ءَ چہ بچگ ءِ واستہ یکجائی کوشست ءِ ضلورت ءِ سر ءَ زور پر دات ءُ اے گپ ءِ سر ءَ زور پر دات کہ دمگ ءُ ایشی ءَ چہ دریں امن ، ایمنی ءُ برجائی ءِ واستہ گپ ءُ تران ءُ میاں اوستمانی کانود ءِ سر ءَ عمل کنگ المی اِنت۔ دوئیں راہشون آں وت ماں وت ءَ ائید ءِ سلام ھم داتگ اَنت۔