وفاقی اھوالکاری ءِ وزیر ءَ ٹاؤن شپ ءَ آوارہ سگ ءِ اُرش ءَ بیران بوتگیں ہشت سالی عیسائی جنک ءِ لوگ ءِ تر ءُ تاب کتگ ءُ آئی ءِ ھاندان ءَ گوں دلپدردی درشان

لاہور۔23مارچ (اے پی پی): وفاقی وزیر ءِ اھوالکاری عطا اللہ ترار ءَ دو شمبے ءِ روچ ءَ وتی حلقہ ءِ این اے 127 ٹاؤن شپ لاہور ءَ آوارہ سگ ءِ اُرش ءَ بیران بوتگیں 8 سالی عیسائی جنک ءِ لوگ ءِ تر ءُ تاب کتگ ءُ آئی ءِ ھاندان ءَ گوں دلپدردی ءِ درشانی کتگ۔ اے موہ ءِ سر ءَ تران کنان ءَ آئی ءَ گوشت کہ منی دل ءَ اے وئیل ءِ سر ءَ سک دلپدرد اِنت ءُ من چہ غم ءِ آماچیں کھول ءِ غم ءَ شریک آں ۔ وفاقی وزیر ءِ اھوالکاری ءَ بیران بوتگیں جنک ءِ کھول ءَ را 5لکھ کلدار ءِ چیک ھم دات۔ آئی ءَ دو باسکی کمیٹی ھم جوڑ کتگ کہ ایشی ءِ تہ ءَ رفاقت ڈوگر ءُ مریم گل ھوار اَنت کہ آ آمید گس ءِ دیم ءَ جاور ھال پیش کنت کہ آئی ءَ دمگ ءَ چہ آوارہیں سگ آنی ھلاس کنگ ءِ ھوالگ ءَ رکاوٹ ءِ پرمان داتگ۔ وفاقی وزیر ءَ گوشت کہ اے وڑیں واکیہ آناں کنٹرول کنگ ءِ واستہ ھمک رنگ ءِ گامگیج چست کنگ بیت۔