معاون مزن وزیر اسحاق ڈار ءَ گوں ترکی ءِ دری کارانی وزیر ءَ دمگ ءِ بدل بوھوکیں جاور ھال آنی سر ءَ گپ ءُ تران کنگ بوتگ

اسلام آباد۔23مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ ترکی ءِ درئی کارانی وزیر ھاکان فدان ءَ گوں دمگ ءِ بدل بوھوکیں جاور ھال آنی بابت ءَ گپ ءُ تران کت۔ دوشمبے ءِ روچ ءَ دری کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں سروک آں دمگ ءِ نوکیں دیمروئی آنی سر ءَ چار ءُ تپاسی کتگ ایشی ءِ تہ ءَ امریکی صدر ءِ نیمگ ءَ چہ انوگیں وھدی جنگ بندی ءِ جار ءِ ھم گپ جنگ بوتگ۔ نائب مزن وزیر ءُ وزیر ءِ درئی کار ءَ خطہ ءُ ایشی ءَ چہ دریں دمگاں امن ءُ ایمنی ءِ پجارینگ ءِ واستہ برجاھیں سفارتی ھوار بوھگ ءِ ارزشت ءِ سر ءَ زور پر دات۔ آہاں دیمروئی کنوکیں جاور ھال ءِ سر ءَ نزیکیں رابطہ ءِ تہ ءَ مان بوھگ ءِ سر ءَ تپاک کتگ۔