پاکستان ءِ روچ ءِ درگت ءَ کُلیں راج وتی مزنیں خیرخواہ واجہ قمر ءَ را توسیپ ءُ ستا پیش کنت

اسلام آباد۔23مارچ (اے پی پی): وانگ ءُ زانگ ءُ تربیت ءِ وزیر ءِ مملکت واجہ قمر ءَ گوشت کہ مرچی پاکستان ءِ روچ ءِ درگت ءَ سرجمیں راج وتی مزنیں خیرخواہ آناں شگر ءُ منت پیش کنت، آھانی بے دروریں رھشونی ءُ دیدگ ءَ یک آجو ءُ وت واجہیں ریاست ءِ جوڑ کنگ ممکن بوتگ۔ پاکستان روچ ءِ درگت ءَ وتی کلوہ ءِ تہ ءَ آئی ءَ گوشت کہ قائداعظم محمد علی جناح، علامہ محمد اقبال ءُ پاکستان ءِ ایندگر بن ھشت ایر کنوک آنی بے مٹیں کوشست ءُ قربانی مرچی ھم مئے واستہ رژن ءِ چراگ انت۔ مارچ ءِ روچ ءَ ھما راجدپتری دور ءِ یات ءَ دارگ بیت کہ برصغیر ءِ مسلماناں یک جتاھیں وطن ءِ جوڑ کنگ ءِ ارادہ کتگ۔ یک ریاستے کہ آ وتی عقیدہ، دود ءُ ربیدگ ءُ پجار ءِ رد ءَ آزاتیں رنگے ءَ زندگ بوت کن اَنت۔ آئی ءَ گوشت کہ اے ھما زمین اِنت کہ پاکیں کلام ءِ نام ءَ زرتگ ءُ ایشی ءِ بُن ھشت ایمان، یکوئی ءُ مھکمیں دلجمی ءِ وڑیں زرینیں رھبندانی سر ءَ ایر کنگ بوتگ۔ آئی ءَ گوشت کہ اے موہ ءِ سر ءَ راج وتی شہید آناں ءُ بے کساسیں ناشناکیں بامرد آناں ھم سلام انت کہ آہاں مہروانیں وطن ءِ رکھینگ ءُ برجائی ءِ واستہ وتی سر ندر کتگ انت۔ ایشانی مزنیں قربانی مئے آجوئی ءِ اصل ضمانت ءُ مئے رژنائیں باندات ءِ بُن ھشت اِنت۔ آئی ءَ گوشت کہ مرچی مارا اے جزم ءِ نوک کنگ ءِ موہ دنت کہ ما درست یکجائی ءَ پاکستان ءَ را یک مھکم، وشھال ءُ دیمروئی کتگیں ریاست جوڑ کنگ ءِ واستہ وتی کرد ءَ پیلو کن ایں ءُ ھما اصول آناں پجّار کن ایں کہ ایشی ءِ سر ءَ اے مزنیں راج ءِ بُن ھشت ایر کنگ بوتگ۔