اسلام آباد۔23مارچ (اے پی پی): ابوظہبی ءَ پاکستانی سفارتخانہ ءَ 86می پاکستان روچ ءِ درگت ءَ راجی جزبگ ءُ جوزگ ءِ گوما پرچم ءِ چست کنگ ءِ مراگش برجم دارگ بوت۔ مراگش ءِ بندات پاکستان ءِ سفیر شفقت علی خان ءِ نیمگ ءَ راجی بیرک ءِ ایر کنگ ءَ چہ بوت، ایشی ءِ ھمراھی ءَ راجی سوت ھم گوشگ بوت۔ اے موہ ءِ سر ءَ پاکستان ءِ صدر، مزن وزیر …
ابوظہبی ءَ پاکستان روچ ءِ درگت ءَ راجی جزبگ ءُ جزبگ ءِ گوما پرچم ءِ چست کنگ ءِ مراگش برجم دارگ بوت
گیشتریں ھال
اسلام آباد۔23مارچ (اے پی پی): ابوظہبی ءَ پاکستانی سفارتخانہ ءَ 86می پاکستان روچ ءِ درگت ءَ راجی جزبگ ءُ جوزگ ءِ گوما پرچم ءِ چست کنگ ءِ مراگش برجم دارگ بوت۔ مراگش ءِ بندات پاکستان ءِ سفیر شفقت علی خان ءِ نیمگ ءَ راجی بیرک ءِ ایر کنگ ءَ چہ بوت، ایشی ءِ ھمراھی ءَ راجی سوت ھم گوشگ بوت۔ اے موہ ءِ سر ءَ پاکستان ءِ صدر، مزن وزیر ءُ نائب مزن وزیر/درئی کارانی وزیر ءِ ھاسیں کلوہ ھم وانگ بوت۔ وتی گشتانک ءِ تہ ءَ سفیر شفقت علی خان ءَ برصغیر ءِ مسلمان آنی دراجیں کوشست ءُ مزنیں قربانی آناں شان ءُ منت پیش کت ایشی ءِ آسر ءَ پاکستان ءِ وجود بوتگ۔ آئی ءَ استیں چیلنج آں گوں گر ءُ دار ءُ مھکم ءُ وشھالیں پاکستان ءِ جوڑ کنگ ءِ واستہ یکوئی، برداشت ءُ ھمگرنچی ءِ ارزشت ءِ سر ءَ زور پر دات۔ آئی ءَ مقبوضہ جموں ءُ کشمیر ءِ الس ءِ وت واجہی ءِ حق ءِ اصولی حمایت ءِ ھوالگ ءَ پاکستان ءِ موقف ءِ ھم پدر کت۔ پاکستان ءِ سفیر ءَ پاکستان ءُ امارات ءِ نیام ءَ مھکم ءُ براتی سیادی ءِ ارزشت ءِ سر ءَ زور پر دات۔ آئی ءَ پاکستانی کمیونٹی ءَ را مہمان داری ءُ موہ پجاری ءِ پد ءَ امارات ءِ حکومت ءُ الس ءِ شگر ءُ منت گپت۔ آئی ءَ امارات ءِ دیمروئی ءُ وشھالی ءِ واستہ پاکستانی کمیونٹی ءِ ارزشتی ایں کرد ءِ ساڑاتگ ءَ کمیونٹی ءِ باسک آناں زور پر دات کہ آ دمگی کانود ءُ دود ءُ ربیدگ آنی احترام ءَ بہ کن اَنت ءُ استیں جاور ھال آنی رد ءَ امارات ءِ واکدار آنی ہدایت آنی سر ءَ سک باز عمل بہ کن اَنت۔
