پاکستان ءِ روچ گوں سادگی ، شرپ ءُ شان ءَ دارگ بوھگ ءَ اِنت ، مصطفیٰ کمال

اسلام آباد۔23مارچ (اے پی پی): وزیر جان سلامتی مصطفیٰ کمال ءَ گوشت کہ مرچی سرجمیں ملک ءَ پاکستان ءِ روچ گوں سادگی، شرپ ءُ شرپ ءَ گوں دارگ بوھگ ءَ انت۔ آئی ءَ وتی کلوہ ءِ تہ ءَ گوشت کہ یکوئی، نظم و ضبط ءُ مھکمیں ایمان راجی دیمروئی ءِ اصل ضمانت انت۔ وزیر جان سلامتی ءَ گوشت کہ یک مھکم ءُ جان سلامتیں پاکستان ءِ جوڑ کنگ حکومت ءِ اولی ترجی اِنت، ایشی ءِ واستہ توامیں وسیلگ آناں کارمرد کنگ بوھگ ءَ اِنت۔ آئی ءَ اے گپ ءِ سر ءَ زور پر دات کہ قائداعظم ءِ ویژن ءِ رد ءَ ملک ءَ را دیمروئی ءِ کشک ءَ ایر کنگ وھد ءِ لوٹ اِنت۔ مصطفیٰ کمال ءَ گوشت کہ پاکستان ءِ دیمروئی ءُ برجائی ءِ واستہ چاگرد ءِ ھمک فرد ءَ وتی کرد پیلو کنگی انت۔ آئی ءَ پاکستان روچ ءِ درگت ءَ راج ءَ را مبارک بات دات ءُ گوشت کہ تپاکی ءُ یکوئی سوبمندی ءِ مانزمان اَنت۔