پاکستان ءِ بُن ھشت ایر کنوک احسن اقبال ءِ ھیال ءِ رد ءَ ملک ءِ جوڑ کنگ ءِ جھد ءَ دو رند ءَ گیش کنگ لوٹ ایت

اسلام آباد۔23مارچ (اے پی پی): وفاقی وزیر برائے منصوبگ بندی ءُ دیمروئی احسن اقبال ءَ پاکستان ءِ بن ھشت ایر کنوک آنی وژن ءِ رد ءَ ملک ءِ جوڑیشت ءِ واستہ کوشست آناں دو رند ءَ گیش کنگ ءِ ضلورت ءِ سر ءَ زور پر دات۔ دوشمبے ءِ روچ ءَ پاکستان ءِ روچ ءِ درگت ءَ پاکستان مسلم لیگ ءِ نیمگ ءَ برجم داشتگیں مراگش ءَ گوں گشتانک دیان ءَ آئی ءَ گوشت کہ ملک ءِ رژنائیں آیوکیں وھد ءِ واستہ مارا وت مہ وت ءَ دل یکیمی ءَ گوں دیم ءَ جنزگی اِنت۔ وفاقی وزیر ءَ پاکستان ءِ جوڑیشت ءَ پاکستان ءِ بن ھشت ایر کنوک آنی بے مٹیں کوشست ءُ قربانی آناں ستا دات ءُ قائداعظم محمد علی جناح ءِ برجاھیں کوشست آناں ساڑات کہ آئی ءَ پاکستان ءِ واب ءَ را حقیقت ءِ تہ ءَ بدل کت۔ احسن اقبال ءَ گوشت کہ پاکستان ءِ دفاع مھکمیں دست آنی تہ ءَ اِنت۔ آئی ءَ گوست ءِ سال ءَ بھارت ءِ ھلاپ ءَ پاکستان سلاہ بندیں اُرد آنی کامیابی ءِ ھم حوالہ داتگ۔ آئی ءَ گوشت کہ راستی ءِ جنگ ءَ مئے اُرد ءَ اے گپ اے گپ ثابت کت کہ آ مدام ھوشیار اَنت ءُ پیشہ وارانہ ءُ نوکیں ٹیکنالوجی ءَ گوں ساڑی بوھگ ءَ چہ دژمن ءَ را پروش دیگ ءِ توان ءَ دار اَنت۔ آئی ءَ گیش تران کت کہ دگنیا ءِ ہچ طاقت پاکستان ءَ بد نیتی ءِ چم ءَ چارت نہ کنت۔