مرکزی صدر آل پاکستان ٹریڈرز ایسوسی ایشن ءِ گشگ انت کہ وفاقی وزیر خزانہ ءِ بیان ءَ بجٹ ءِ تیاری ءَ تاجر آنی سوج آناں ارزشت دیگ وش آتک کنگ بیت

اسلام آباد۔22مارچ (اے پی پی): آل پاکستان ٹریڈرز ایسوسی ایشن ءِ مرکزی صدر اشرف بھٹی ءَ گوشت کہ وفاقی وزیر ءِ ھزانگ ءِ نیمگ ءَ بجٹ ءِ جوڑیشت ءَ تاجر آنی پنت ءُ شون آناں ارزشت دیگ ءِ بیان وش اتک کنگ بیت۔ آئی ءَ وتی بیان ءِ تہ ءَ گوشت کہ چیمبر، تاجر آنی گل ءُ انجمن آنی ممکنہ سوج آنی آیوکیں مالی سال ءِ بجٹ دستاویز ءِ بھر جوڑ کنگ بہ بیت، بجٹ ءِ تہ ءَ ٹیکس آنی کساس ءُ شرح ءَ را کم کنگ ءِ ضلورت اِنت۔ آئی ءَ گوشت کہ بجٹ ءَ چہ پیسر وزارت ھزانگ ءَ وت تاجر آنی گوما رابطہ کنگ بہ بیت ءُ مشاورت ءِ عمل ءَ را دیم ءَ برگ بہ بیت تانکہ اے وڑیں بجٹ ءِ دستاویز دیم ءَ بہ کئیت کہ ایشی ءِ سر ءَ درستانی تپاکی بہ بیت۔ آئی ءَ گوشت کہ سرجمیں ملک ءَ سوداگر آنی نیمگ ءَ چہ سوج لوٹگ بوتگ کہ آ یکجا کنگ بنت ءُ حکومت ءَ را روان دیگ بنت۔ آئی ءَ اے امیت سہرا کت کہ حکومت آیوکیں مالی سال ءِ واستہ انچیں بجٹ پیش کنت کہ دیمروئی ءِ واستہ وسیلہ ءِ ثابت بیت۔ اشرف بھٹی ءَ گوشت کہ حکومت کاروبار ءِ واستہ تاجر آناں سود ءِ چہ ھلاسیں وام ءَ را گیش کنگ لوٹ ایت، ءُ یوٹیلٹی بل آنی سر ءَ ٹیکس آنی کساس ءُ شرح ءَ را ھم کم کنگ ءِ ضلورت اِنت۔