آپ ءِ جھان ءِ روچ ، ایم ڈی واسا ملتان ءَ چہ شہریاں اپیل کتگ کہ آ آپ ءَ گوں احتیاط ءَ کارمرز بہ کن اَنت

ملتان ۔ 22 مارچ (اے پی پی): واسا ءِ منیجنگ ڈائریکٹر فیصل شوکت ءَ آپ ءِ جھان ءِ روچ ءِ سر ءَ شہری آں چہ احتیاط ءُ ذمہ واری ءِ گوما آپ ءِ کارمرد کنگ ءِ اپیل کتگ ءُ گوشت کہ آپ فطرت ءِ بے دروریں ھزانگ اِنت ءُ ایشی ءِ ھر یک ٹپّے ارزشت دار اِنت۔ آئی ءَ گوشت کہ آپ ءِ زوال ءِ گر ءُ دار مئے درستانی یکجائی ذمہ واری انت ءُ اگاں ما مرچی اے نعمت ءِ قدر ءَ مہ کن ایں گڈا آیوکیں باھوٹ سکیں مشکلانی آماچ بوت کن انت۔ ایم ڈی واسا ءَ گوشت کہ آپ ءِ جھان ءِ روچ مارا اے کلوہ ءَ دنت کہ ما آپ ءِ رکھینگ ءَ را وتی روچ مرزی زند ءِ بھر جوڑ بہ کن ایں ءُ ایشی ءِ کارمرد کنگ ءَ دلگوشی بہ کن ایں ۔ آئی ءَ گوشت کہ واسا ملتان ءَ شہری آناں ساپیں آپ پجارینگ ءِ واستہ شپ ءُ روچ کار کنگ ءَ انت ءُ شہر ءَ 1500کلومیٹر دراجیں واٹر سپلائی نیٹ ورک ءُ 84 ٹیوب ویلز ءِ وسیلگ ءَ آپ پجاری کنگ بوھگ ءَ انت، وھدیکہ شہری آناں روچے سئے رند ءَ آپ پجارینگ ءَ دل یکیمی کنگ بوھگ ءَ انت۔ آئی ءَ گوشت کہ لیکیج پوائنٹ آنی وھد ءِ سر ءَ جوڑ کنگ ءُ آپ ءِ سپلائی ءِ نظام ءِ گہتری ءِ سر ءَ ھاسیں دلگوشی دیگ بوھگ ءَ انت تانکہ آپ ءِ زوال کم چہ کم کنگ بہ بیت۔ آئی ءَ گوشت کہ اے ھم المی اِنت کہ شہری ملکی تک ءَ آپ ءِ کارمرد کنگ ءَ دلگوش بہ بنت، برتن، پوشاک شودگ، وضو ءُ غسل کنگ ءِ وھد ءَ آپ ءَ زوال مہ کن اَنت ءُ پائپ ءِ بدل ءَ بالٹی کارمرد کنگ ءَ را گیشتر دوست دار اَنت۔ ایم ڈی واسا ءَ گوشت کہ آپ ءِ بچت ایوک ءَ شہری ذمہ واری نہ اِنت بلکیں اخلاقی، چاگردی ءُ مذہبی فرض ھم اِنت ءُ اے راجی مول ءُ مراد ءِ تہ ءَ ھر یک مردمے وتی کرد ءَ پیلو بہ کنت تانکہ ھر لوگ ءَ ساپیں آپ ءِ پجاری بہ بیت۔