اسلام آباد ٹریفک پولیس ءَ 21 چیک پوسٹ جوڑ کتگ ، 650 ءَ چہ گیش بے پرواہیں ڈرائیور آنی ھلاپ ءَ کارروائی کتگ

اسلام آباد۔22مارچ (اے پی پی): اسلام آباد ٹریفک پولیس ءَ ائید ءِ روچ ءَ ٹریفک ءِ ایمن ءُ آسانی ءِ ھاتر ءَ سرجمیں شہر ءَ 21 ٹریفک چیک پوائنٹ جوڑ کتگ ءُ 650 ءَ چہ گیش یک پہہ ءِ گاڑی ءُ بے پرواہیں ڈرائیور آنی ھلاپ ءَ کارروائی کتگ۔ آئی ٹی پی ءِ کارندہ آں یک شمبے ءِ روچ ءَ اے پی پی ءَ گوں تران کنان ءَ گوشت کہ شہری آنی آسراتی ءُ ٹریفک ءِ موثر انتظام ءِ واستہ ٹریفک پولیس درستیں سرکاری جا آنی سر ءَ ھوار اِنت۔ آیاں گوشت کہ لیک ویو پارک، شکرپریان ءُ دمن کوہ ءَ را ایوک ءَ ھاندان ءِ واستہ پوائنٹ ءِ رنگ ءَ جار جنگ بوتگ ءُ شہری آناں پنت ءُ شون کنگ بیت کہ آ وتی ھاندان ءِ ابید اے جاھاں مہ رو اَنت۔ آہاں ورناہاں چہ لوٹ کتگ کہ آ یک پہہ ءِ سرا رؤگ ءُ بے پرواہیں گاڑی ءِ ڈرائیونگ ءِ وڑیں خطرناکیں کارستاں چہ بہ رک انت۔ آئی ءَ ھشدار داتگ کہ خلاف ورزی کنوک آنی ھلاپ ءَ سکیں کارروائی برجاہ بیت۔ آئی ءَ یک رندے پدا گوشت کہ اسلام آباد ٹریفک پولیس وفاقی دارالحکومت ءَ ٹریفک ءِ جوانیں بندوبست ءَ را دل یکیمی کنگ ءُ شہری آناں گیش ءَ چہ گیش آسراتی پجارینگ ءِ واستہ جزم اِنت۔