رمضان ءِ مبارکیں ساھتانی گڈسر ءَ کسانیں ائید ءِ وشیں موہ پہ مئے درستاں اللہ تعالیٰ ءِ مزنیں نعمت اِنت۔ گوں دل ءِ جہلانکی ءَ سرجمیں راج ءُ مسلمانیں دگنیا ءَ کسانیں ائید ءِ سلام پیش کناں ڈاکٹر طارق فضل چوہدری

اسلام آباد۔21مارچ (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ رمضان ءِ مبارکیں ساھت آنی گڈ ءَ کسانیں ائید ءِ وشیں موہ مئے درست آنی واستہ اللہ تعالیٰ ءِ مزنیں نعمت اِنت۔ اے روچ وشّی، مھر، براتی ءُ منت واری ءِ کلوہ ءَ دنت۔ سوشل نیٹ ورک ویب سائٹ ایکس ءَ کسانیں ائید ءِ درگت ءَ وتی پوسٹ ءِ تہ ءَ آئی ءَ گوشت کہ من سرجمیں راج ءُ مسلمان دگنیا ءَ را دل ءِ جہلانکی ءَ گوں ائید ءِ سلام ءَ سر کن آں ۔ وفاقی وزیر ءَ گوشت کہ اللہ تعالیٰ وتی دربار ءَ مئے عبادت، روچگ ءُ دعا آنی قبول ءَ بہ کنت ءُ راستیں وشھالی، امن، دیمروئی ءُ برجائی ءِ نعمت ءَ بہ کنت۔ آئی ءَ گیش گوشت کہ اے ائید مارا یکوئی، براتی ءُ کُربانی ءِ جزبگ ءَ را دیم ءَ برگ ءِ موہ دنت ۔ آئی ءَ گوشت کہ اے وشی ءِ موہ ءَ بیا اِت وتی کش ءُ گور ءِ تیز مندیں مردم ھم وتی وشی آنی تہ ءَ ھوار کن ایں ءُ پاکستان ءِ دیمروئی ءُ وشھالی ءِ واستہ یکجائی ءَ دعا کن ایں ۔ پارلیمانی امور ءِ وفاقی وزیر ڈاکٹر طارق فضل چوہدری ءَ دعا کت کہ اللہ تعالیٰ مدام مئے مہروانیں وطن ءِ رکھینگ ءَ بہ کنت ءُ مارا ایشی ءِ خدمت ءِ توان ءَ بہ دنت۔