گورنر پنجاب ءَ ضلع اٹک  ءَ ائید ءِ نماز ونتگ

اٹک 21 مارچ (اے پی پی): گورنر پنجاب سردار سلیم حیدر خان ءَ کسانیں ائید ءِ نیکیں موہ ءِ سر ءَ وتی وتی میتگ درنال تحصیل فتح جنگ ضلع اٹک ءَ ائید ءِ نماز ونت۔ اے موہ ءِ سر ءَ دمگ ءِ نندوکیں مردمانی مزنیں کساسے ءَ ھم آئی ءِ ھمراھی ءَ ائید ءِ نماز ءَ ھوار بوتگ اَنت۔ گورنر پنجاب ءَ ائید ءِ نماز ءِ وانگ ءَ پد ملک ءِ ایمنی، مھکمی، دیمروئی ءُ وشھالی ءِ واستہ ھاسیں دعا ءِ وانینت۔ آئی ءَ وتی جزم ءِ درشان کت کہ پاکستان ءِ دیم ءَ اوشتاتگیں چیلنج آنی گوما گر ءُ چیل بوھگ ءِ واستہ راجی یکوئی، براتی ءُ یکوئی ءِ دیمروئی وھد ءِ لوٹ اِنت۔ اے موہ ءِ سر ءَ گورنر پنجاب ءَ مہلوک ءَ گوں دزبندی کتگ کہ مستحق ءُ تنگدستیں مردماں ائید ءِ وشیاں ہوار بہ کن انت ءُ گشتگ کہ ائید ءِ مستریں کلوہ بے وس ءُ ندر کنگ ءُ وت مہ وتی مہر انت۔ آئی ءَ گوشت کہ ما وتی کش ءُ گور ءِ تنگدستیں مردم آنی حاصیں ھیال داری ءَ بہ کن ایں تانکہ ائید ءِ وشی ھمک مردم ءَ گوں راستیں معنی ءَ بھر ءُ بانگ بہ بنت۔ ایشی ءَ پد پنجاب ءِ گورنر سردار سلیم حیدر خان ءَ شہری آں گوں گند ءُ نند کتگ ءُ آہانی جیڑہ گوش داشتگ انت ءُ ہمگرنچیں واکاں جاہ ءِ سر ءَ ہدایت داتگ انت۔ شہری آں گورنر پنجاب ءَ را ائید ءِ مبارکی دات ءُ آئی ءِ گوما وشیں ساھت گوازینت۔