شمبے ءِ روچ ءَ پاکستان ءَ ھوار اقوام متحدہ ءِ چیردستی ءَ جھان ءِ کٹھ پتلی روچ برجم دارگ بوت

اسلام آباد۔21مارچ (اے پی پی): پاکستان ءَ ھوار اقوام متحدہ ءِ چیردستی ءَ 21 مارچ شمبے ءِ روچ ءَ کٹھ پتلی ءِ جھان ءِ روچ دارگ بوت۔ اقوام متحدہ ءِ ماتیں ادارہ یونیسکو ءَ 21 مارچ 2007 ءَ اے روچ ءِ برجم دارگ ءِ فیصلہ کتگ ات ءُ کٹھ پتلی ءِ زندگیں دود ءُ ربیدگی ورثہ ءِ جار جتگ ات کہ ایشی ءَ پد ہر سال اے روچ برجم دارگ بوہگ ءَ انت۔ اے روچ ءِ برجم دارگ ءِ مستریں مول ءُ مراد کٹھ پتلی ءِ کوھنیں ءُ روایتی فن ءِ دیمروئی، ایشی ءِ دود ءُ ربیدگ ءِ ارزشت ءَ را پدر کنگ ءُ ازمکارانی دلبڈی دیگ اِنت۔ کٹھ پتلی ءِ جھان ءِ روچ ءِ درگت ءَ سرجمیں ملک ءَ جتا جتائیں ورکشاپ ءُ نمائشانی برجم دارگ بوتگ۔