کسانیں ائید ءِ موہ ءَ پاک اُرد ءِ غازی آں آپریشن غضب للحق ءِ سوبمندی ءِ پد ءَ راج ءَ را مبارک بات دات

اسلام آباد۔21مارچ (اے پی پی): کسانیں ائید ءِ موہ ءَ پاک اُرد ءِ غازی نائیک (ر) انورحمد خان ءُ حوالدار (ر) محمد یونس خان ءَ آپریشن غضب للحق ءِ سوبمندی ءِ پد ءَ راج ءَ را مبارک بات داتگ۔ لانس نائیک (ر) محمد گلزار خان ءَ ھم سرجمیں راج ءُ پاکستان ءِ سلاہ بندیں اُرد ءَ را آپریشن غضب للحق ءِ سوبمندی ءِ پد ءَ مبارکی دات۔ سیکورٹی وسیلگ ءِ رد ءَ پاک فوج ءِ غازی ءَ پاکستان ءِ سلاہ بندیں اُرد ءُ سرجمیں راج ءَ را کسانیں ائید ءِ درگت ءَ مبارک بات داتگ ۔ نائیک (ر) انورحمد خان ءَ گوشت کہ پاک فوج ءَ ھمک محاذ ءَ پاکستانی راج ءِ سروک ءَ را ناز داشتگ، ھمے ھاتر ءَ سرجمیں دگنیا ءَ پاکستان ءِ بیرک برز ءَ بال کنگ ءَ انت۔ ھمے رنگ ءَ حوالدار (ر) محمد یونس خان ءَ وتی شان ءِ درشان کت کہ آ یک انچیں بہادر ءُ شرپداریں لشکر ءِ مردم اِنت کہ آئی ءَ ہر گرانیں وھد ءَ مھروانیں وطن ءِ رکھینگ ءَ را اولی ترجی لیک اِتگ۔ لانس نائیک (ر) محمد گلزار خان ءَ اوگانستان ءَ فتنہ الخریج ءَ را کلوہ دیگ ءِ وھد ءَ گشتگ کہ اگاں تو پاکستان ءَ گوں گندی چماں بہ چار ئے گڑا تو گوگ آؤٹ کنگ بئے۔ پاک فوج ءِ غازی گش انت کہ ملک ءِ دفاع ءُ ناشرکاری ءِ ھلاسی ءِ واستہ پاکستان ءِ بہادریں سلاہ بندیں اُرد ءَ مدام بے دروریں قربانی داتگ انت۔ آئی ءَ گوشت کہ سیکورٹی فورسز ءَ یک رندے پدا اے گپ ثابت کتگ کہ پاکستان ءِ ایمنی ءُ وت واجہی ءِ سر ءَ ھچ وڑیں مصالحت نہ بیت۔ آئی ءَ گیش کرتگ کہ راج وتی قوت آنی سر ءَ پھر کنت ءُ سرجمیں راج ھمک گرانیں وھد ءَ پاکستانی قوت آنی گوما اوشتاتگ۔ پاک فوج ءِ غازی آں گوشت کہ مئے قربانی ءُ سوبمندی آنی برکت ءَ پاکستان امن ءُ ایمنی ءِ نیمگ ءَ گام جنان انت۔