فیلڈ مارشل سید عاصم منیر کرم ءِ تر ءُ تاب ءَ کنت، افسر ءُ ورنا آں گوں ائید ءِ وشیں موہ گوازینت اَنت، آئی ایس پی آر

راولپنڈی ۔21مارچ (اے پی پی): فوج ءِ سروک، دیمپانی فورسز ءِ سروک فیلڈ مارشل سید عاصم منیر نشان امتیاز (ملٹری)، ہلال جرات ءَ افسر ءُ سپاہیگ آنی گوما ائید ءِ مراگش ءِ واستہ کرم ءِ تر ءُ تاب کتگ۔ فیلڈ مارشل ءَ فوجی آں گوں ائید ءِ نماز ونت ءُ پاکستان ءِ ایمنی ءُ وشحالی ءِ واستہ دعا کت ۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں پریس ریلیز ءِ رد ءَ فیلڈ مارشل ءَ سپاھیگ ءُ افسر آنی گوما گپ ءُ تران کنان ءَ آھاں ائید ءِ مبارکی دات ءُ راج ءِ رکھینگ ءِ واستہ آھانی بے مٹیں واھگ، مزنیں حوصلہ ءُ مثالی پیشہ وارانہ لیکہ ءِ ساڑات کت۔ فیلڈ مارشل ءَ سپاھیگ آنی بہادری ءُ جزبگ ءَ را یات کنان ءَ آپریشن غدب الحق ءِ ساھت ءَ آوانی سوبمندی آناں توسیپ کت کہ ایشی ءِ مول ءُ مراد ناشرکاری ءِ نیٹ ورک ءِ ھلاسی ءُ سیمسر ءِ دمگ آنی تہ ءَ دائمی امن ءِ پجارینگ بوتگ۔ آئی ءَ اے گپ ءِ سر ءَ زور پر دات کہ اوگانستان ءَ سیمسر ءِ سر ءَ پناہ گاہ آنی چہ کار کنوکیں ناشرکار آناں پاکستان ءِ ایمنی ءَ را ھراب کنگ ءِ موہ نہ دیگ بیت۔ فیلڈ مارشل ءَ دمگی امن ءُ ایمنی ءِ واستہ پاکستان ءِ عزم ءِ یک رندے پدر کنان ءَ گوشت کہ پاکستان ءِ ھلاپ ءَ ناشرکاری کاروائی آنی واستہ دژمن ءِ عناصر آنی نیمگ ءَ اوگان سرزمین ءِ کارمرد کنگ ھچ وڑیں جاور آنی تہ ءَ برداشت کنگ نہ بیت۔ فارمیشنز ءِ بے مٹیں کوشست آناں ساڑاتگ ءَ فیلڈ مارشل ءَ آپریشنل سوبمندی آناں ساڑاتگ ءُ گوشت کہ آپریشنل سوبمندی شھید آنی مزنیں قربانی ءُ غازی آنی مھکمیں جزم ءِ آسر انت۔ ایشی ءَ چہ پیسر ضلع کرم ءَ سر بوھگ ءِ وھد ءَ کور ءِ کمانڈر پشاور ءَ فیلڈ مارشل سید عاصم منیر ءَ را وش اتک کت۔