بلال اظہر کیانی ءِ ائید ءِ کلوہ پہ راج ءَ ، ڈیوٹی ءِ سر ءَ نشتگیں کارندہ ءَ را  توسیپ ءُ ستا

اسلام آباد۔21مارچ (اے پی پی): وفاقی وزیر مملکت برائے مالیات ءُ ریلوے بلال اظہر کیانی ءَ کسانیں ائید ءِ وشیں موہ ءِ سر ءَ راج ءَ را مبارک بات دیگ ءِ وھد ءَ سرکاری ءُ نجی ادارگ آنی درستیں کارندہ آناں ھاسیں رنگ ءَ یات کت کہ آ انسانیت ءِ ھزمت ءَ ھوار اَنت ءُ ملک ءَ را چہ وتی لوگاں دور کنگ ءَ اَنت۔ سوشل نیٹ ورکنگ ءِ ویب سائٹ ’ایکس‘ ءِ سر ءَ وتی کلوہ ءِ تہ ءَ بلال اظہر کیانی ءَ گوشت کہ ائید مبارک ترا ءُ تئی درستیں نزیکیں مردماں چہ من ءُ منی کھول ءِ نیمگ ءَ چہ۔ وزیر ءِ مملکت ءَ وتی کلوہ ءِ تہ ءَ چاگرد ءِ بے نامیں بامرد آنی نام گوشت کہ آ ھم ائید ءِ روچ ءَ وتی زمہ واری ءَ پیلو کنگ ءَ اَنت۔ ایشانی تہ ءَ لشکری ​​کارندہ کہ مرز ءِ رکینگ ءَ اَنت، پولیس ءُ دگہ کانود ءِ کارندہ، ڈاکٹر، پرستار ءُ جان سلامتی ءِ کارندہ نادراھجاہ ءُ جان سلامتی ءِ یونٹ آنی تہ ءَ نادراہ آنی جان ءِ رکّینگ ءَ اَنت، ریسکیو 1122 ءُ ایمرجنسی رسپانس ءِ کارندہ، سینیٹری کارندہ کہ شہر آناں ساپ ءُ پلگار کنگ ءَ اَنت ءُ ٹریفک وارڈن سڑک آنی سر ءَ نظم ءُ ضبط ءِ برجاہ دارگ ءَ اَنت۔ بلال اظہر کیانی ءَ ھما درستیں پاکستانی آنی ھزمت آناں ساڑاتگ کہ آ وتی دوستیں مردم آنی بدل ءَ اے وھد ءَ شہری آنی آسراتی ءُ ملک ءِ ایمنی ءِ واستہ ڈیوٹی ءَ اَنت۔ آئی ءَ وتی کلوہ ءِ دعا ءِ گپ ءَ گوں آسر کت کہ اللہ تعالیٰ پاکستان ءَ وتی حفاظت ءُ نظم ءِ تہ ءَ بہ دار ایت ءُ ایشی ءِ سر ءَ وتی برکت ءَ بہ بارت۔