بلاول بھٹو زرداری ءِ ھاسیں دعا پہ ملک ءِ برجائی، امن ءُ وشھالی ءِ واستی ھاسیں دعا ءُ نیک

لاڑکانہ ۔ 21 مارچ (اے پی پی): چیئرمین بلاول بھٹو زرداری ائید ءِ نماز ءِ وانگ ءِ واستہ گڑھی خدا بخش ءَ سر بوتگ اودا آئی ءَ جمہوریت ءِ شہیدانی مزار آنی سر ءَ تر ءُ تاب کتگ ءُ فاتحہ پیش کتگ۔ ائید ءِ نماز ءَ پد بلاول بھٹو زرداری ءَ ملک ءِ برجائی ، ایمنی ءُ وشھالی ءِ واستہ ھاسیں دعا کت وھدیکہ آئی ءَ میاں اوستمانی ھاسیں رنگ ءَ فلسطین ءَ امن ءِ برجائی ءِ واستہ ھم دعا کت ۔ اے موہ ءِ سر ءَ بلاول بھٹو زرداری ءَ شہری آں گوں گند ءُ نند کتگ ءُ ائید ءِ روچ ءَ سلام ءُ دروت کتگ۔ ایشی ءَ چہ پد آئی ءَ پیسریگیں مزن وزیر ذوالفقار علی بھٹو ءُ پیسریگیں مزن وزیر بے نظیر بھٹو ءِ مزار آنی تر ءُ تاب کت ءُ فاتحہ پیش کت۔ ایشی ءِ گوما آئی ءَ بیگم نصرت بھٹو، میر مرتضی بھٹو ءُ میر شہنواز بھٹو ءُ اے دگہ مردمانی مزار آنی سر ءَ ھم تر ءُ تاب کت ءُ پُل ایر کت۔ اے موہ ءَ پاکستان پیپلز پارٹی ءِ بازیں راہشون ءُ کارکنانی ہمراہی ءَ سندھ ءِ سر وزیر سید مراد علی شاہ، ایم پی اے نثار احمد خوہرو ءُ سید قیم علی شاہ ہم ساڑی اتنت۔ بلاول بھٹو زرداری ءَ وتی کسانیں ائید ءِ کلوہ ءِ تہ ءَ راج ءَ را دل ءِ جہلانکی ءَ چہ سلام پیش کت ءُ گوشت کہ کسانیں ائید نہ ایوک ءَ وشی ءِ روچ اِنت بلکینگ ءَ ایمان ، شفقت ءُ انسانی یکوئی ءِ ارزشت ءَ را پدر کنگ ءِ موہ اِنت۔ آئی ءَ گوشت کہ کسانیں ائید صبر ءُ قربانی ءُ روحانی نوک کنگ ءِ سفر ءِ سرجمی ءِ علامت انت ایشی ءَ چہ مارا سخاوت مند بوھگ ءُ دومی آنی کمک کنگ ءِ سکین دیگ بیت۔ آئی ءَ اے گپ ءِ سر ءَ زور پر دات کہ ما درست زلورت مندیں مردم آنی گوما ائید ءِ وشیاں بھر ءُ بانگ بہ کن ایں ۔ اے وھد ءَ دگنیا ءَ بازیں چیلنجانی دیم ءَ انت ۔ اے وڑیں جاوراں ائید ءِ کلوہ مارا یکوئی، برداشت ءُ وت مہ وتی احترام ءِ دیم ءَ برگ ءِ ترغیب ءَ دنت۔ گڈسرا آئی ءَ دعا کت کہ اے ائید براتی مہکم کنگ ءُ یک انچیں چاگردے ءِ اڈ کنگ ءِ وسیلہ بہ بیت کہ آ انصاف، برابری ءُ یکے دومی ءِ ھیالداری ءِ رہبندانی سرا بہ بیت۔