مزن وزیر شہباز شریف ءَ ملائیشیا ءِ ھمکار ءَ گوں گپ ءُ تران کتگ، دوئیں رہشون خلیج ءِ دمگ ءَ کش ءُ چیل ءِ کم کنگ ءِ ضلورت ءِ سر ءَ زور پر داتگ

لاہور۔20مارچ (اے پی پی): پاکستان ءُ ملائیشیا ءِ سروکی ءَ ایران ءُ خلیج ءِ دمگ ءَ برجاھیں کش ءُ چیل ءِ کم کنگ ءِ ضلورت ءِ سر ءَ زور پر داتگ ءُ امن ءِ دیمروئی ءِ واستہ یکجاھیں کار کنگ ءِ سر ءَ تپاک کتگ۔ مزن وزیر محمد شہباز شریف ءَ جمعہ ءِ روچ ءَ ملائیشیا ءِ مزن وزیر داتو سری انور ابراہیم ءَ گوں ٹیلی فون ءِ سر ءَ گپ ءُ تران کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گرمیں گپ ءُ تران ءِ ساھت ءَ مزن وزیر ءَ ائید الفطر ءِ موہ ءَ ملائیشیا ءِ مزن وزیر، حکومت ءُ الس ءَ را سلام ءُ دروت کت۔ داتو’ سری انور ابراہیم ءَ ھم وتی دل ءِ جہلانکی ءَ چہ ائید ءِ مبارکی درشان کتگ۔ مسلم امت ءِ واستہ امن ءُ ایمنی ءِ دعا کنان ءَ دوئیں سروکاں ایران ءُ خلیج ءِ دمگ ءَ برجاھیں کشیدگی ءَ را کم کنگ ءِ ضلورت ءِ سر ءَ زور پر دات ءُ اے درگت ءَ امن ءِ دیمروئی ءِ واستہ یکجائی ءَ کار کنگ ءِ سر ءَ تپاک کت۔ دوئیں راہشوناں دو نیمگی سیادی آنی تہ ءَ جوانیں پیشرفت ءِ سر ءَ دل یکیمی ءِ درشان کت ءُ پاکستان ءُ ملائیشیا ءِ نیام ءَ براتی سیادی ءَ را گیش مھکم کنگ ءِ واستہ وتی جزم ءِ سر ءَ زور پر دات۔