چیئرمین سینیٹ ءَ نوروز ءِ روچ ءَ مبارکی داتگ

اسلام آباد۔20مارچ (اے پی پی): چیئرمین سینیٹ سید یوسف رضا گیلانی ءَ نوروز ءِ وشیں موہ ءِ سر ءَ سرجمیں دگنیا ءَ میلہ ءِ برجم داروک آناں دل ءِ جہلانکی ءَ چہ سلام ءُ دروت درشان کتگ۔ چیئرمین سینیٹ ءِ نیمگ ءَ جاڑی بوتگیں کلوہ ءِ تہ ءَ گوشت کہ نوروز تہاری ءِ سر ءَ رژن ءِ امیت، ھمگرنچی ءُ سوبمندی ءِ سانگ انت۔ آئی ءَ گوشت کہ سداں سال آنی تہ ءَ برجم دارگ بوتگیں اے میلہ یک مشترکہ دود ءُ ربیدگی ورثہ ءِ نمائندگی کنت ءُ چاگرد آنی نیام ءَ امن، ھمزوری ءُ احترام ءِ دیمروئی ءِ تہ ءَ ھاسیں کرد پیلو کنت۔ چیئرمین سینیٹ ءَ گوشت کہ اے رنگیں موہ ءَ چہ مارا جھان ءِ چیلنج آناں گیواری ءِ واستہ یکوئی، گپ ءُ تران ءُ وت مہ وتی تپاکی ءِ ارزشت ءِ سما رسیت۔ آئی ءَ مردم آنی نیام ءَ رابطہ ئِ دیمروئی ئُُ نیک راھی ئِ مھکم کنگ ئِ ضلورت ئِ سر ءَ زور پر دات۔ چیئرمین سینیٹ ءَ پاکستان ءُ دگنیا ءِ ایندگہ دمگاں وشھالی، وشھالی ءُ وشھالی ءِ واستہ ھم دعا لوٹ اتگ۔