عید الفطر ءِ روچ ءَ وشحالی ءِ بہر کنگ ، مہر ءُ قربانی ءِ جذبہ ءِ دیمروئی ءُ شکرگزار ءِ درس دیگ بیت ، اسپیکر راجی اسمبلی

اسلام آباد۔20مارچ (اے پی پی): راجی اسمبلی ءِ اسپیکر سردار ایاز صادق ءَ عید الفطر ءِ موہ ءَ سرجمیں راج ءُ مسلم امت ءَ را دل ءِ جہلانکی ءَ چہ سلام پیش کنان ءَ گوشت کہ عید الفطر ءَ وشھالی ءِ بھر ءُ بانگ ءِ سکین دیگ بیت، مھر ءِ جذبہ ءَ را گیش کنگ ءُ شکر گزار کنگ ءِ سکین دیگ بیت۔ ائید ءِ میلہ ءِ تہ ءَ وتی ھاندان، سنگت ءُ زلورت مندیں مردمانی گوما وشیاں بھر کنگ ءِ شرتریں موہ رس ایت۔ ائید الفطر ءِ موہ ءَ وتی کلوہ ءِ تہ ءَ اسپیکر سردار ایاز صادق ءَ گوشت کہ وشی ءِ اے وشیں موہ ءِ سر ءَ ما وتی وشی آنی تہ ءَ مستحق ءُ تنگدستیں مردم آناں ھم ہوار بہ کن ایں ءُ آوانی دل ءِ جہلانکی ءَ کمک بہ کن ایں ۔ آئی ءَ گوشت کہ استیں معاشی جاور آنی رد ءَ مارا وتی زاتی زندمان ءَ کفایت شعاری ءَ را دیم ءَ برگ لوٹ ایت۔ آئی ءَ گیش تران کت کہ اے مئے درستانی ذمہ واری انت کہ ما راجی برجائی ءِ واستہ حکومت ءِ گوما کمک بہ کنیں ءُ ملک ءَ امن ءُ ایمنی ءِ برجائی ءِ واستہ وتی کرد ءَ پیلو بہ کنیں۔ چاگردی، سیاسی ءُ اقتصادی برجائی ءِ دیمروئی ءَ ہر پاکستانی وتی سرجمیں کرد ءَ پیلو بہ کنت۔ اسپیکر سردار ایاز صادق ءَ ملک ءُ راج ءِ ایمنی ءِ واستہ سلاہ بندیں اُرد ءُ سیکورٹی فورسز ءِ بے مٹیں کوشست آناں شگر ءُ منت درشان کنان ءَ گوشت کہ پاکستانی اُرد بھارت ءِ کمک ءَ فتن الخریجی آنی ناشرکاری ءِ ھلاپ ءَ دلجمی ءَ گوں جنگ ءَ انت۔ ناشرکاری ءِ ھلاپ ءَ برجاھیں جنگ ءَ پاکستانی لشکر ءُ سیکورٹی فورسز ءِ افسر ءُ مردانی نیمگ ءَ داتگیں قربانی بے سوب نہ بنت۔ آئی ءَ گوشت کہ سلاہ بندیں اُرد ناشرکاری ءِ عناصر ءِ سرجمی ءَ ھلاسی ءِ واستہ جزمیگ انت، سرجمیں راج وتی سلاہ بندیں اُرد ءُ سیکورٹی فورسز ءِ گوما اوشتاتگ۔ آئی ءَ گوشت کہ ناشرکاری ءِ آسر ءَ شھید بوتگیں شہری ءُ سیکورٹی ادارگ ءُ سلاہ بندیں اُرد ءِ کارندہ آنی واستہ راج دعا کنت ءُ آھانی کھول ءِ گوما سرجمیں رنگ ءَ یکوئی ءِ درشان کنت۔ راجی اسمبلی ءِ اسپیکر سردار ایاز صادق ءَ اے گپ ءِ سر ءَ زور پر دات کہ ھمک رنگ ءِ انتہا پسندی ، نفرت ءُ فرقہ واریت ءَ چہ سرجمی ءَ پھریزگ المی اِنت۔ آئی ءَ گوشت کہ مذھب ھم یک ءِ دومی ءِ گوما مہر، برداشت ءُ براتی ءِ گوما سلوک کنگ ءِ سکین ءَ دنت تانکہ چاگردی ھمگرنچی برجم بہ بیت ءُ ملک ءَ امن ءُ ایمنی ءِ ماحول دیمروئی بہ کنت۔ اسپیکر قومی اسمبلی ءَ گوشت کہ ائید ءِ موہ ءَ وتی ھاسیں دعا آنی تہ ءَ فلسطین ءِ مظلومیں الس ءُ ھندی غیرقانونی قوضہ ءِ جموں کشمیر ءَ را یات بہ کن اِت۔ آئی ءَ اے جزم ءِ یک رندے پدا گوشت کہ پاکستان مقبوضہ جموں ءُ کشمیر ءُ فلسطین ءِ الس آنی آجوئی ءِ جہد ءَ را مدام سیاسی، چاگردی ءُ سفارتی کمک ءَ برجاہ دار ایت۔ اسپیکر سردار ایاز صادق ءَ میاں اوستمانی براتی ءَ چہ دمگ ءَ برجمیں جیڈھ آنی ایمنی ءِ گیواری ءِ واستہ جوانیں کرد ءِ پیلو کنگ ءِ لوٹ کتگ۔ آئی ءَ گوشت کہ پاکستان ءَ امن، برجائی ءُ جیڑھ آنی گپ ءُ تران ءِ وسیلگ ءَ گیواری ءِ سر ءَ ایمان انت ءُ سرجمیں دمگ ءُ دگنیا ءَ جیڈھ آناں ایمنی ءَ گوں گیواری ءِ کمک ءَ کنت۔ راجی اسمبلی ءِ اسپیکر سردار ایاز صادق ءَ دعا کت کہ عید الفطر ءِ مبارکیں موہ ھمک پاکستانی ءَ را وشھالی ، امن ءُ وشھالی ءِ کلوہ ءَ سر بہ بیت۔ اللہ تعالیٰ مئے ملک ءُ راج ءَ چہ ہر وڑیں بیم ءُ چیلاں بہ رکھین ایت، مسلمان امت ءِ دیمپانیں جیڑہانی گیش ءُ گیوار ءِ واستا تپاکی، یکمشتی ءُ یک مشترکہ حکمت عملی یے بہ دنت ءُ گوں براتی، مہر ءُ برداشت ءَ یکے دومی ءِ حقانی احترام کنگ ءِ توان بہ دنت۔ قومی اسمبلی ءِ ڈپٹی اسپیکر سید غلام مصطفیٰ شاہ ءَ راج ءُ مسلم امت ءَ را ائید الفطر ءِ مبارکیں موہ ءِ پد ءَ مبارک بات دات ءُ گوشت کہ اے ائید ءِ میلہ مہر، ھمگرنچی ءُ انسانیت ءِ جذبہ ءِ دیمروئی ءِ واستہ جوانیں موہ انت۔ آئی ءَ گوشت کہ ائید مارا ھاندان، سنگت ءُ زلورت مندیں مردم آنی گوما وشھالی ءِ بھر ءُ بانگ ءِ واستہ دلبڈی دنت ءُ اے موہ ءِ سر ءَ ما مستحقیں مردم آنی سرجمیں ھیال داری ءَ بہ کن ایں ۔ ڈپٹی اسپیکر سید غلام مصطفیٰ شاہ ءَ گوشت کہ استیں معاشی جاور ھال آنی تہ ءَ ما درست وتی ذاتی زندمان ءَ کفایت شعاری ءَ را وتی کنگ لوٹ ایت ءُ ملک ءِ دیمروئی، امن ءُ ایمنی ءُ چاگردی یکوئی ءِ واستہ ھمک شہری وتی کرد ءَ پیلو بہ کنت۔ آئی ءَ پاکستانی راج ءَ را وتی بہادریں اُرد ءُ سیکورٹی ادارگ آنی گوما ناشرکاری ءِ ھلاپ ءَ مھکمیں اوشتگ ءِ ساڑاتگ ءُ ناشرکاری ءِ ھلاپ ءَ جنگ ءَ شھید بوتگیں سیکورٹی کارندہ ءُ سلاھبند ءِ کارندہ آناں شگر ءُ منت درشان کتگ۔ ڈپٹی اسپیکر سید غلام مصطفیٰ شاہ ءَ چہ اللہ تعالیٰ ءَ دزبندی کت کہ اے مبارکیں ائید ھمک پاکستانی ءَ را وشھالی، امن ءُ دیمروئی ءِ کلوہ ءَ سر بہ کنت ءُ مسلمان امت ءِ تہ ءَ یکوئی ءُ یکوئی ءَ را مھکم بہ کنت۔