مزن وزیر ءَ چہ الس ءَ دزبندی   کتگ کہ آ زوتیں  جاوراں گوں گر ءُ چیل بوھگ ءِ واستہ پٹرول ءُ ڈیزل ءِ بچت ءِ واستہ گامگیج بہ زیر انت

اسلام آباد۔19مارچ  (اے پی پی): مزن وزیر محمد شہباز شریف ءَ ہنگامی جاوراں گوں گر ءُ چیل بوھگ ءِ واستہ پٹرول ءُ ڈیزل ءِ بچت ءِ واستہ گامگیج زورگ ءِ واستہ الس ءَ را زور پر داتگ ءُ صوبگ آنی گوما کمک ءَ یک سرجمیں ایکشن پلان ءِ جوڑ کنگ ءِ ہدایت کتگ۔ پنچ شمبے ءِ روچ ءَ مزن وزیر محمد شہباز شریف ءِ سروکی ءَ دمگ ءِ ھرابیں جاور ھال آنی رد ءَ ایندھن ءِ بچت ءُ کفایت شعاری ءِ گامگیج آنی سر ءَ عمل درآمد ءِ سر ءَ چار ءُ تپاسی ءِ واستہ دیوان برجم دارگ بوت۔ گند ءُ نند ءَ آرمی چیف  ءُ  چیف آف ڈیفنس فورسز فیلڈ مارشل سید عاصم منیر، نیشنل سکیورٹی ایڈوائزر لیفٹننٹ جنرل محمد عاصم ملک ، وفاقی وزیر اقتصادی امور احد خان چیمہ ، وزیر قانون  اعظم نذیر  تارڑ، وفاقی وزیر خزانہ و محصولات محمد اورنگزیب، وزیر پٹرولیم علی پرویز ملک،  وفاقی وزیر اطلاعات و نشریات عطاء اللہ تارڑ ، وفاقی وزیر موسمیاتی تبدیلی ڈاکٹر مصدق ملک ، وفاقی وزیر انفارمیشن ٹیکنالوجی و ٹیلی کام شزا فاطمہ ، وزیر مملکت برائے خزانہ و ریلوے بلال اظہر کیانی  ءُ حکومت ءِ سیادی داروکیں مزنیں کارندہ ساڑی اتنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ ملک ءَ استیں ذخیرہ، کھپت ءُ کارگو ءِ ھوالگ ءَ سرپدی دیگ بوت، ایشی ءِ ساھت ءَ ملک ءِ ضلورت آناں پیلو کنگ ءِ واستہ پٹرولیم چیز آنی لائکیں اسٹاک است انت ءُ ایشی ءِ تہ ءَ گیشیں بندوبست کنگ بوھگ ءَ انت۔ مزن وزیر ءِ وھد ءِ سر ءَ عملی گامگیج ءُ ہدایت ایندھن ءِ ذخیرہ ءِ ھوالگ ءَ بندوبست کنگ ءَ کمک کت کن اَنت۔ بریفنگ ءِ رد ءَ میاں اوستمانی ءُ دمگ ءِ نا مھکمیں جاور ھال آنی رد ءَ کہ ایشی ءَ چہ سوخت ءِ رسگ ءَ را سک باز تاوان رسیت، آیوکیں روچ آنی تہ ءَ جاور ھال آنی گوما گر ءُ چیل بوھگ ءِ واستہ گیش ھرچ ءُ درچ ءِ بچت ءِ گامگیج زورگ لوٹ ایت۔ مزن وزیر ءَ دیوان ءَ ہدایت کت کہ ہنگامی جاوراں گوں گر ءُ چیل بوھگ ءِ واستہ صوبگ آنی کمک ءَ یک ٹوھیں ایکشن پلان ءِ جوڑ کنگ بہ بیت۔ گند ءُ نند ءَ ریاضتی ءُ بچت ءِ گامگیج آنی سر ءَ عملدرآمد ءِ پیشرفت ءِ بابت ءَ سرپد کنگ بوت۔ مزن وزیر ءَ گوشت کہ رکھینگ ءُ بچت ءِ گامگیج آنی زیر کنگ ءَ چہ الس ءَ ریلیف پجاری موہ مند بوتگ۔ بریفنگ ءَ گوشگ بیت کہ مزن وزیر ءِ نیمگ ءَ جاڑی بوتگیں ہدایت آنی سر ءَ عمل کنگ بوھگ ءَ اِنت۔ انٹیلی جنس بیورو ھم نگرانی کنگ ءَ اِنت۔ مزن وزیر ءَ اے گپ ءِ سر ءَ زور پر دات کہ اشرافیہ دیم ءَ جنز اَنت ءُ وت مہ وتی ءُ کُشی ءِ جذبگ ءَ وتیگ کنان ءَ بچت ءُ کٹائی ءِ مثال پیش بہ کن اَنت۔ دیوان ءَ چہ پد جاڑی بوتگیں جار آنی رد ءَ حکومت ءَ الس ءَ را ھم لوٹ کتگ کہ آ پٹرول ءُ ڈیزل ءِ بچت ءِ واستہ گامگیج بہ زور اَنت تانکہ آیوکیں روچ آنی تہ ءَ پٹرولیم چیز آنی دستیابی ءَ را تاوان ءِ ھترہ ءَ چہ رکگ بہ بیت۔ دیوان ءِ جار آنی رد ءَ ھرچ ممکنیں جاور ھال ءَ گوں دیم پہ دیم بوھگ ءِ واستہ تیار بوھگ ءُ بدل بوھوکیں جاور ھال آنی رد ءَ یک رھبندے ءِ زورگ المی بیت۔ جار ءِ تہ ءَ پٹرول ءِ بچت ءِ واستہ کار پولنگ ءِ زورگ ءِ سر ءَ زور دیگ بیت تانکہ اجتماعی تحریک ءَ را بچائینگ بہ بیت۔ جار ءِ تہ ءَ گْوشگ بیت کہ ایندھن ءِ بچت ءِ ھاترا المی ئیں سفر ءَ ھم چہ رکّینگ بہ بیت ءُ رھادگ بوھگ ءَ را محدود کنگ بہ بیت۔ مزن وزیر ءَ توامیں سیادی داروکیں ادارگ آناں ہدایت کت کہ داں جاور ھال گہتر مہ بنت ہنگامی گامگیج آنی واستہ الرٹ بہ بنت۔ دیوان ءَ داتگیں بریفنگ ءِ رد ءَ سرجمیں جاور ھال آنی سر ءَ چار ءُ بچار کنگ بوھگ ءَ انت ءُ پٹرولیم مصنوعات آنی ریکارڈ دارگ بوھگ ءَ انت تانکہ ھرچ وڑیں بے رھبندی ءِ زوت پجار کنگ بہ بیت ءُ جیڈھ ءِ گہتری ءِ واستہ گامگیج چست کنگ بہ بیت۔