علماء یکوئی ءَ را مھکم بہ کن انت، انتہا پسندی ءِ ھلاپ ءَ جنگ بہ کن انت، فیلڈ مارشل سید عاصم منیر

راولپنڈی۔19مارچ  (اے پی پی): آرمی اسٹاف ءِ سروک ءُ دفاعی اُرد ءِ سروک فیلڈ مارشل سید  عاصم منیر  ءَ علماءِ ھاسیں کرد ءِ سر ءَ زور پر دات ءُ گوشت کہ آ یکوئی ءَ را مھکم بہ کن اَنت ءُ انتہا پسندی ءِ ھلاپ ءَ جنگ بہ کن اَنت۔ مذہبی جذبات ءَ را ملک ءَ زوراکی ءِ دیم ءَ آرگ ءِ اجازت دیگ نہ بیت ءُ ناشرکار ءُ آہانی ڈھانچہ ءِ ہلاس کنگ ءِ ھاتر ءَ درستیں ءُ موثریں گامگیج آنی بنیاد ءَ کارروائی کنگ بیت۔ پنچ شمبے ءِ روچ ءَ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ چیف آف آرمی اسٹاف ءُ چیف آف ڈیفنس فورسز فیلڈ مارشل سید  عاصم منیر ءَ ادا اسلامی مکتب فکر ءِ زانتکاراں گوں گند ءُ نند کتگ، ایشی ءِ ساھت ءَ آھاں راجی سلامتی ءُ چاگردی ھمگرنچی ءِ تہ ءَ زانتکار آنی کرد ءِ سر ءَ ھیال ءُ لیکہ ءِ درشانی کتگ۔ فیلڈ مارشل ءَ یکوئی، رواداری ءُ راجی یکوئی ءِ دیمروئی ءِ تہ ءَ ھاسیں رنگ ءَ ردیں ھال ءُ اھوال، فرقہ وارانہ پروپیگنڈا ءُ ناشرکار آنی سرپرستی ءَ ملک ءَ را بے رھبند کنگ ءِ کوشست آنی ھلاپ ءَ جنگ ءِ تہ ءَ زانتکار آنی ھاسیں کرد ءِ سر ءَ زور پر دات۔ آپریشن غضب للحق ءِ حوالہ ءَ آئی ءَ اے گپ ءِ سر ءَ زور پر دات کہ پاکستان وتی سرڈگار ءِ ھلاپ ءَ ناشرکاری ءِ واستہ اوگان سرزمین ءِ کارمرد کنگ ءَ کدی برداشت نہ کنت۔ آئی ءَ گوشت کہ ناشرکار آنی کرد ءُ آھانی ڈھانچہ آنی ھلاسی ءِ واستہ وتی جزم ءِ پدا پدر کنان ءَ گوشت کہ آ ھمک جاگہ ​​ءَ است اَنت ءُ ایشی ءِ واستہ درستیں ءُ انٹیلی جنس ءِ سر ءَ بنیات ءِ سر ءَ کار کنگ بیت۔ آئی ءَ اے گپ ءِ سر ءَ ھم زور پر دات کہ اوگان طالبان وتی دمگ ءَ پاکستان ءِ ھلاپ ءَ ناشرکاری ءِ واستہ کارمرد کنگ ءَ چہ بہ رکھین ایت۔ فیلڈ مارشل ءَ دمگ ءِ تہ ءَ کش ءُ چیل ءِ کم کنگ ءِ واستہ پاکستان ءِ کوشست ءُ برجائیں  سفارتکاری ءِ بابت ءَ ھم بھمک زوروک آناں سرپد کت۔ آئی ءَ یکوئی ءِ مھکم کنگ ءُ انتہا پسندی ءِ ھلاپ ءَ جنگ ءِ تہ ءَ علماءِ ھاسیں کرد ءِ سر ءَ زور پر دات ءُ اے گپ ءِ سر ءَ زور پر دات کہ مذھبی جذبات آناں ملک ءَ زوراکی ءِ دیم ءَ آرگ ءِ واستہ کارمرد کنگ ءِ اجازت دیگ نہ بیت۔ پاکستان ءَ دگہ ملکے ءَ بوتگیں وئیلانی بنیاد ءَ زوراکی کدی برداشت کنگ نہ بیت۔ علما ءَ امن ءُ ایمنی ءِ واھشت ءِ درشانی کتگ ءُ مذھب ءِ نام ءَ زوراکی ءَ گوں زبردستیں گالواراں مذمت کتگ۔ آئی ءَ ملک ءِ تہ ءَ امن ءُ ایمنی ءِ برجائی ءِ واستہ کانود ءِ برجائی ءِ ادارگ آناں سرجمیں کمک ءِ یقین داتگ۔