کاربوہائیڈریٹس  ءِ گیشیں کارمرز  ءُ  نہ وشیں زند ءِ رہبند ءِ سبب ءَ زنڈ بوھگ  ترندی ءَ گوں گیش بوھگ ءَ اِنت، ڈاکٹر مختار بھرتھ

اسلام آباد۔19مارچ  (اے پی پی): راجی جان سلامتی ءِ وزیر مملکت ڈاکٹر مختار بھرتھ ءَ گوشت کہ پاکستان ءَ کاربوہائیڈریٹ ءِ گیشیں ورگ ءُ بے توازن زندمان ءِ سبب ءَ زنڈ بوھگ  ءِ تہ ءَ ترندی ءَ گوں گیشی بوھگ ءَ اِنت کہ گڈسرا ٹائپ ٹو ذیابیطس، دل ءِ نادراھی ءُ ہائی بلڈ پریشر ءِ وڑیں ھترناکیں نادراھی آنی سوب جوڑ بوھگ ءَ اِنت۔ آئی ءَ وتی کلوہ ءِ تہ ءَ گوشت کہ ملک ءِ ھمک سئے  مردم آنی تہ ءَ یکے زنڈ بوھگ  ءِ آماچ اِنت کہ اے سکیں جیڑگ ءِ جاور اِنت۔ آئی ءَ گوشت کہ جان سلامتیں چاگرد ءِ واستہ زندمان ءِ تہ ءَ جوانیں بدلی المی انت۔ اگاں ما ہسپتالانی بار ءَ کم کنگ لوٹیں گڑا مارا وتی ورگ ءُ عادتاں بدل کنگی اِنت۔ وزیر مملکت ءَ گوشت کہ فاسٹ فوڈ، ہائی فیٹ ءُ نمین فوڈز ءُ شکر ءِ شربت ءِ گیش بوھگ ءَ چہ نوکیں نسل ءَ را ھترناکیں تک ءَ تاثیر دیگ ءَ انت۔ آئی ءِ رد ءَ پاکستان ءَ ھمک پنچ زھگاں چہ یکے موٹے اِنت کہ آیوکیں وھد ءَ اے مزنیں جان سلامتی ءِ بحران جوڑ بوت کنت۔ آئی ءَ وانگ ءُ زانگ ءِ ادارگ ءُ سیادی داروکیں تک آنی سر ءَ زور پر دات کہ آ زھگ آنی تہ ءَ جان سلامتی ءِ زندمان ءِ دیمروئی ءِ تہ ءَ جوانیں کرد پیلو بہ کن اَنت۔ آئی ءَ گوشت کہ مزن وزیر ءِ راجی پروگرام برائے ذیابیطس ءِ چیر دستی ءَ یک سرپدی ءُ اسکریننگ مہم ءِ بندات کنگ بوتگ، ایشی ءِ تہ ءَ زنڈ بوھگ  ءُ غیر متعدی نادراھی آنی گر ءُ دار ءِ سر ءَ ھاسیں دلگوشی دیگ بیت۔ آئی ءَ اے موہ ءِ سر ءَ میاں اوستمانی شریک ءُ ڈن ءِ ڈل ءِ بھمک زوری ءَ را ساڑاتگ ءَ گوشت کہ میاں اوستمانی کمک ءِ وسیلگ ءَ جان سلامتی ءِ شوبگ ءَ را گہتر کنگ ءِ واستہ عملی گامگیج کنگ بوھگ ءَ انت۔ آئی ءَ گیش گوشت کہ غیر متعدی نادراھی آنی گیش بوھوکیں بار انچیں حد ءَ سر بوتگ کہ جان سلامتی ءِ نظام مزنیں کساسے ءَ بائی پاس آپریشن، اینجیوگرافی ءُ اینجیوپلاسٹی ءِ وس ءَ نہ کنت ھاسیں رنگ ءَ وھدے کہ نوکیں نسل آنی تہ ءَ دل ءِ نادراھی گیش بوھگ ءَ انت۔ آئی ءِ گشگ ءِ رد ءَ اے جیڑہ ءِ مستریں سوب نادراھی ءِ زند ءِ رہبند ءُ نادراھی ءِ ورگ ءِ عادت اِنت۔ وزیر مملکت ءَ گوشت کہ حکومت جان سلامتی ءِ شوبگ ءَ را دیمروئی دیگ ءُ اسپتال آناں نوکیں ٹیکنالوجی ءَ چہ لیس کنگ ءِ واستہ گامگیج کنگ ءَ انت، البت نادراھی آنی گر ءُ دار ءِ واستہ الس ءَ را سرپدی پیداک کنگ اولی ترجی انت۔ آئی ءَ وتی جزم ءِ درشان کت کہ موثر سرپدی مہم آنی وسیلگ ءَ راج ءَ را جان سلامتی ءِ وردن ءِ گچین کاری ءُ وتی زندمان ءِ رہبند ءَ را گہتر کنگ ءِ واستہ دلبڈی دیگ بیت تانکہ جان سلامت ءُ متحرک پاکستان ءِ جوڑ کنگ بہ بیت۔