بلوچستان ءِ سر وزیر ءَ گْوشگ اِنت کہ بندش جتگیں ادارگ بے گناہیں مردمانی کُشگ ءَ زالبولاں سلاہ جوڑ کنگ ءَ اَنت

کوئٹہ۔ 19 مارچ (اے پی پی): بلوچستان ءِ سر وزیر سرفراز بگٹی ءَ گشتگ کہ بندش جتگیں گل زالبولاں سلاہ ءِ رنگ ءَ کارمرز کنان ءَ نہ ایوک ءَ بے گناہیں مردمانی جان ءَ کُشگ ءَ انت بلکیں چاگردی ارزشت، دود ءُ ربیدگ ءُ زالبولانی عزت ءُ شرپ ءَ را ہم مزنیں تاوانے دیگ ءَ انت۔ اے وڑیں عناصر نہ ایوک ءَ انسانیت ءِ دژمن اَنت بلکیں بلوچستان ءِ امن ءُ ایمنی ءِ مہذبیں چاگرد ءِ بے رھبند کنگ ءِ ناپاکی ءِ جھداں ھم ھوار اَنت۔ بلوچستان ءِ سر وزیر ءَ اے گپ پدر کت کہ حکومت زالبول آنی رکھینگ، عزت ءُ شرپ ءِ یقینی جوڑ کنگ ءِ واستہ ھمک رنگ ءِ گامگیج کنگ ءَ انت ءُ زالبول آناں اراس  کنگ ءُ  تنگ  کنگ ءِ موہ کس ءَ را نہ دیگ بیت۔ آئی ءَ گوشت کہ ریاست اے رنگیں مردم آنی   ھلاپ ءَ سرجمیں زور ءَ گوں کارروائی ءَ برجاہ دار ایت تانکہ چاگرد اے وبا ءَ چہ آجو بہ بیت ءُ زالبول آناں ایمن ءُ شرپداریں چاگرد پجارینگ بہ بیت۔ بلوچستان ءِ سر وزیر ءَ اے موہ ءِ سر ءَ وتی کلوہ ءِ تہ ءَ گوادر ءَ وتی رنگ ءِ اولی بے دروریں رمضان/آدھک زالبولانی بازار ءِ برجم دارگ ءِ سر ءَ وشی ءِ درشانی کت ءُ زالبول آنی چاگردی ءُ اقتصادی بااختیار کنگ ءِ دیمروئی ءِ نیمگ ءَ راجدپتری گامگیج لیک اِت۔ آئی ءَ گوشت کہ گوادر ءُ آئی ءِ کش ءُ گور ءِ دمگ ءِ زالبول ءُ زھگ آنی سرگرمیں بھمک زوری ءَ چہ اے گپ ءِ ثبوت بیت کہ اگاں زالبول آناں جوانیں ءُ شرپداریں موہ پجاری کنگ بہ بنت گڈا آ چاگرد ءِ تہ ءَ سرگرم ءُ جوانیں کرد پیلو کت کن اَنت۔ بنجاہی وزیر ءَ گوشت کہ زالبول آنی مارکیٹ ءِ برجم دارگ بوھگ ءَ انت ایشی ءِ تہ ءَ زالبول آناں نا ایوک ءَ مزہ کنگ ءِ موہ رس ایت بلکینگ ءَ زالبول آناں وتی ھیال آنی درشان کنگ ءُ مالی آجوئی ءِ ھاترا یک موثر پلیٹ فارم ءِ ھم پجارینگ بیت۔ آئی ءَ گوشت کہ اے ھاسیں بازار ءَ چہ زالبول آناں توانمند کنگ ءُ آھاں دیمروئی ءِ واستہ یک وڑیں موہ پجاری ءَ چہ آھاں چاگرد ءِ مھکم ءُ شرپداریں ستون جوڑ کنگ ءِ واستہ حکومت ءِ بے مٹیں جزم ءِ درشان انت۔ سر وزیر بلوچستان ءَ ڈپٹی کمشنر گوادر ءِ کوشست آناں ساڑات ءُ گوشت کہ زالبول آنی واستہ جان سلامتی، جوانیں ءُ دیمروئی ءِ چست ءُ ایر آناں دیم ءَ برگ وشیں گامگیج انت کہ ایشی ءَ چہ چاگردی ھمگرنچی ءَ را دیم ءَ برگ ءُ صوبگ ءَ برجمیں چاگردی دیمروئی ءِ بنیات ءَ را گیش مھکم کنگ بیت۔