شہریاں فول پروف سیکورٹی پھجارینگ حکومت ءِ ذمہ واری اِنت، ھچ وڑیں لاپروائی برداشت کنگ نہ بیت، وزیر داخلہ بلوچستان

کوئٹہ۔ 19 مارچ (اے پی پی): بلوچستان ءِ تہی کارانی وزیر میر ضیاء اللہ لانگو ءَ گشتگ کہ ائید ءِ موہ ءَ شہریاں فول پروف سیکورٹی پجارینگ حکومت ءِ اولی ذمہ واری انت، اے درگت ءَ ہچ وڑیں لاپرواہی برداشت کنگ نہ بیت۔ آئی ءَ اے گپ صوبہ ءِ تہ امن ءُ ایمنی ءِ ھوالگ ءَ کوئٹہ ءَ وتی سروکی ءَ دیوان ءِ ساھت ءَ گوشت اَنت۔ گند ءُ نند ءَ آئی جی جیل خانہ جات سعید احمد، ایڈیشنل آئی جی آغا یوسف، ڈی آئی جی کوئٹہ اور  ڈی آئی جی سی ٹی ڈی اعتزاز گورایہ  ءُ ایندگر سیادی داروکیں افسر آنی بھمک زوری ءَ ماہ ءِ رژن ءُ کسانیں ائید ءِ موہ ءَ سیکورٹی بندوبست آنی سر ءَ چار ءُ تپاسی کنگ بوت۔ ایڈیشنل چیف سیکرٹری ہوم حمزہ شفقات  ءَ سیکورٹی ءِ جاور ھال آنی بابت ءَ سرجمیں بریفنگ داتگ۔ گند ءُ نند ءَ چند رات ، ائید ءِ نماز جاہ ءُ امام بارگاہ  آنی ایمنی ءِ ھاتر ءَ ھاسیں منصوبگ ءِ ھم دیم ءَ آرگ بیت۔ تہی کارانی وزیر ضیاء  اللہ لانگو ءَ گوشت کہ سیکورٹی فورسز بہادری ءُ دلیری ءَ گوں ناشرکاری ءَ گوں جنگ ءَ انت ءُ گوستگیں وئیل آنی گر ءُ دار ءَ پولیس ءَ وتی پیشہ وارانہ ہنر ءِ درشان کتگ۔ آئی ءَ گوشت کہ ناشرکاری ءِ ھلاپ ءَ جنگ ءَ سیکورٹی فورسز ءِ قربانی شموشکار نہ بنت، پاک اُرد، ایف سی ءُ پولیس ءَ ھوار توامیں ادارگ امن ءُ ایمنی ءِ بحالی ءُ شہری آنی رکھینگ ءَ سرجمی ءَ کرد پیلو کنگ ءَ اَنت۔ وزیر داخلہ ءَ ہدایت کت کہ اداگ ءِ موہ ءَ توامیں ضلع سیکورٹی منصوبہ ءِ سرا عمل کنگ بہ بنت۔