چیئرمین سینیٹ نا نیشنل پریس کلب نا پوسکن گچین مروک آ عہدیدار آتے مبارکباد

اسلام آباد۔ 18 مارچ (اے پی پی ) چیئرمین سینیٹ سید یوسف رضاگیلانی نیشنل پریس کلب نا پوسکن گچین مروک آ عہدیدار آتے مبارکبادی پیش کرینے۔ چیئرمین سینیٹ پارے کہ نیشنل پریس کلب ملک اٹی آجو صحافت نا مون آ دننگ و جمہوری قدر انا سوگوی ٹی اہم کڑد ادا کرساکرینے۔ چیئرمین سینیٹ دااومیت نا درشانی ءِ کرے کہ پوسکن آ گچین مروک سرکڑدہ صحافی برادری ءِ مون تروک ویل آتا ایسری کن جیرت مندانہ و مدبرانہ گام گیج کیک و کسبی زمواری تے جوان وڑاٹ پورو کیک۔ چیئرمین سینیٹ پارے کہ حکومت صحافی تا آئینی و کسبی حق انا رکھ اکن تینا مخ تفی ءِ برجاتخک و میڈیا نا مثبت کڑد ءِ پین سوگو جوڑ کننگ کن ہرممکن کمکاری فراوان کننگک۔ اوزور شاغا کہ آجو، باخبر و زموار صحافت قومی شونداری، جمہوری سوگوی و السی شعور نا مون آ دننگ کن المی ءِ۔ سید یوسف رضاگیلانی مستی پارے  کہ پارلیمنٹ مدام صحافی برادری تون سلوک مرسا اوفتا حق ، رکھ و سلامتی کن گچین کانود سازی کرینے و دا چرجوئی آخبت ہم برجاسلک ۔ اوداعزم انا درشانی ءِ کرے کہ حکومت آجوئی صحافت آ پورو یخین تخک واونا مون آ دننگ کن سنجیدہ گام گیج آتے برجاتخک۔