پاکستان علماء کونسل نا سلامی عرب ملک آتا وزراء خارجہ غاتا دیوان ءِ بٹنگ نا خیرمقدم

لاہور۔ 18 مارچ (اے پی پی ) پاکستان علماء کونسل سعودی عرب نا کنڈآن اسلامی عرب ملک آتا وزراء خارجہ نا دیوان ءِ بٹنگ نا فیصلہ نا خیرمقدم ءِ کرساپارینے کہ جنگ بندی نا بابت دمدستی وڑاٹ گام گیج کننگے و ایران نا برخلاف مروک آ جارحیت نا بابت اسہ امنائی لائحہ عمل اس جوڑ کرسا جنگ انا چٹفنگ کن دمدستی گام گیج کننگے۔ داخیال آتا درشانی ءِ پاکستان علماء کونسل نا مرکزی چیئرمین حافظ محمد طاہر محمود اشرفی ، مولانا اسعد زکریا قاسمی تون اوار ایلوک چارشنبے نادے آ داڑے جاری تینا اسیجائی بیان اٹی کریر۔ اوپار یر کہ عرب اسلامی ملک آتا وزیر خارجہ غاک پیدوار و دوٹوک لائحہ عمل اس بایدے ایتر، اوپاریر کہ روچہ مبارک اٹی تدوک آ 19 دے آن مسجد اقصیٰ ٹی نماز انا خواننگ و عبادت کننگ کن اِلنگ تنے۔ اوپاریر کہ نن اومیدتخنہ کہ پاکستان ، سعودی عرب و ترکیہ نا حکومت آک امن نا ہرا کوشست آتے کننگ ءُ ، دادیوان آن اودے سوگوی و جنگ انا چٹفنگ اٹ کمک رسینگک۔