وطن نا رکھ اکن سیکورٹی فورس آتا قربانی تے اسُل است آن دننگ مفک، صوبائی وزیر خور و چیئرمین بلوچستان فوڈ اتھارٹی حاجی نور محمد دمڑ

کوئٹہ ۔18 مارچ (اے پی پی ) صوبائی وزیر خور و چیئرمین بلوچستان فوڈ اتھارٹی حاجی نور محمد دمڑ ضلع دکی ٹی ریموٹ کنٹرول بمب دھماکہ ٹی 5 ایف سی کارندہ غاتا شہیدی آ بھاز ڈکھیائی و است ہسونی نا درشانی ءِ کرے۔ تینا اسہ بیان اسے ٹی او پارے کہ وطن نا رکھ اکن سیکورٹی فورس آتا قربانی تے اسُل است آن دننگ مفک ۔ او شہید آ کارندہ غاتے خراجِ عقیدت پیش کرسا پارے کہ مچ آ قوم تینا بہادر سپاہی تا قربانی تے سلام پیش کیک۔ صوبائی وزیر شہید آتا خاہوت آتتون ہمدردی وہڑزخواہی نا درشانی ءِ کرسا دعا کرے کہ اللہ تعالیٰ شہید آتا درجہ غاتے بڑز کے و خاہوت آتے صبرِ وجمیل عطا کے ۔