مزن وزیر  ءَ عمان ءِ سلطان ءَ   گوں  ٹیلی فون ءِ سر ءَ نزیکی، دوئیں رہشوناں دیریں براتی سیادی ءَ را مھکم کنگ ءِ جزم  ءِ درشان

اسلام آباد۔18مارچ  (اے پی پی): مزن وزیر محمد شہباز شریف ءَ عمان ءِ گوما یکوئی ءِ درشانی کتگ ءُ گپ ءُ تران برجاہ دارگ ءِ ضلورت ءِ سر ءَ زور پر داتگ ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ عمان ءِ سلطان ہیثم بن طارق  ءَ چار شمبے ءِ روچ ءَ مزن وزیر محمد شہباز شریف ءَ گوں فون کتگ۔ گرم ءُ مہروانیں گپ ءُ تران ءِ ساھت ءَ دوئیں راہشون آں ائید ءِ نیکیں موہ ءَ سلام ءُ دروت کت ءُ دوئیں ملک آنی اُلس ءُ مسلم امت ءِ امن ءُ وشھالی ءُ وشھالی ءِ نیکیں واھگ آنی درشان کت ءُ دمگی استیں جاور ھال آنی سر ءَ ھیال ءُ لیکہ درشان کت۔ عمان ءِ جتا جتائیں دمگاں اُرشانی وھد ءَ جانی تاوان ءِ سر ءَ عمان ءِ براتیں الس ءَ گوں پاکستان ءِ یکوئی ءِ درشان کنان ءَ مزن وزیر محمد شہباز شریف ءَ امن ءُ ایمنی ءُ گپ ءُ تران ءِ برجائی ءِ سر ءَ زور پر دات۔ دوئیں راہشون آں پاکستان ءُ عمان ءِ نیام ءَ دیریں براتیں سیادی ءَ را گیش مھکم کنگ ءِ واستہ وتی جزم ءِ  دشان کتگ۔ اے درگت ءَ مزن وزیر ءَ عمان ءِ سلطان ءَ را پاکستان ءِ سرکاری تر ءُ تاب ءِ دعوت ءِ ھم یک رندے پدا گوشت۔ مزن وزیر محمد شہباز شریف ءَ ھم سلطان ہیثم بن طارق  ءِ نیمگ ءَ چہ عمان ءِ تر ءُ تاب ءِ دعوت ءِ سر ءَ جوانیں پسو داتگ کہ آ دوئیں نیمگ ءَ وشیں روچے ءَ بہ روت۔