صدر آصف علی زرداری ءَ اسرائیل ءِ اُرش ءَ ڈاکٹر علی لاریجانی ءِ کوش ءِ سر ءَ دلپدردی درشان کتگ ءُ ایران ءِ سرکار ءُ الس ءَ گوں دلپدردی درشان

اسلام آباد۔18مارچ  (اے پی پی): صدر آصف علی زرداری ءَ اسرائیل ءِ برجاھیں اُرشانی وھد ءَ ایران ءِ مزنیں رھشون ڈاکٹر علی اردشیر لاریجانی ءِ کوش ءِ سر ءَ سک باز دلپدردی درشان کتگ ءُ اسلامی جمہوریہ ایران ءِ سرکار ءُ الس ءَ گوں دل ءِ جہلانکی ءَ دلپدردی درشان کتگ۔ چار شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ نومبر 2025 ءَ ڈاکٹر علی اردشیر  لاریجانی ءِ پاکستان ءِ سرکاری تر ءُ تاب ءِ یات ءَ گوشت کہ اے موہ ءِ سر ءَ جتا جتائیں پڑ آنی تہ ءَ دو نیمگی کمک ءَ را گیش دیمروئی دیگ ءِ راہ آنی سر ءَ ھیال ءُ لیکہ آنی مٹ ءُ بدلی بوتگ۔ آئی ءَ پاکستان ءُ ایران ءِ سیادی ءَ را مھکم کنگ ءِ واستہ ڈاکٹر لاریجانی ءِ کرد ءَ را ھم ساڑات۔ صدر ءِ مملکت ءَ گوشت کہ برجاھیں کشاں چیل  ءَ چہ انسانی جانی تاوان ءُ بنیاتی ڈھانچگ ءَ را تاوان ءِ سبب بوھگ ءَ اِنت، ایشی ءَ سرجمیں دمگ ءَ اقتصادی اثر ءُ بے رھبندی ءِ سبب جوڑ بوھگ ءَ اِنت۔ صدر ءِ مملکت ءَ سگ ءُ اوپار  ءُ کشاں چیل ءِ ترندی ءَ گوں ھلاسی ءِ لوٹ کنان ءَ توامیں فریق آناں گپ ءُ تران ءُ سفارتکاری ءَ را اولیت دیگ ءِ سر ءَ زور پر دات۔ آئی ءَ امیت سہرا کت کہ دمگ ءَ گیشیں جانی تاوان ءُ کش ءُ چیل ءِ گیش بوھگ ءَ پیسر جاور ھال زوت استحکام بنت ءُ امن بحال بنت۔ صدر آصف علی زرداری ءَ گوشت کہ پاکستان امن ءِ ھلاسی ءُ دیمروئی ءِ واستہ ھمک کوشست آناں برجاہ دارگ ءِ واستہ وتی جزم ءِ پدر کنگ ءَ انت ءُ دمگ ءَ کش ءُ چیل ءِ کم کنگ ءِ واستہ گپ ءُ تران ءُ سفارتی کوشست آناں دیم ءَ برگ ءِ تہ ءَ جوڑیشت ءِ کرد پیلو کنگ ءِ واستہ تیار انت۔